Popular Bible Verses from Gẹnẹsisi 45

Share

Dinyie mì yín adinọ blo, kavi hòmẹgblenọ do mínọzo go bló, dọ mìwlẹ sà mi do ofi; na Jiwheyẹwhe wẹ do mi hlan mì nukọn nado hla ogbè do.

Mọ dinvie é ma yín mìwlẹ wẹ do mi hlan ofi gba, adavo Jiwheyẹwhe: é ko sọ hẹn mi do basi otọ́ de hlan Falo, podọ klunọ owhé etọn lẹpo tọn tọn, podọ ogàn to aigba Egipti tọn lẹpo ji.

Jiwheyẹwhe sọ do mi hlan mì nukọn nado hladona mì pipòtọ de to aigba lọ mẹ, podọ nado whlẹn mì do ogbó gbọn whlẹngan daho de dali.

Josefu sọ dọ hlan mẹmẹsunnu etọn lẹ, dọ, Mì sẹpọ́ mi, yẹn vẹ̀ mì. Yé sọ sẹwá, Ewọ sọ dọmọ, Yẹn Josefu mẹmẹsunnu mítọn wẹ, mẹhe mi sà do Egipti.

Na owhè awe helẹ wẹ hùvó ko tin to aigba lọ ji: owhè atón gbó sọ tin, ehe mẹ oglepipọ kavi ojijẹ ma na tin te.

Josefu sọ dọ hlan mẹmẹsunnu etọn lẹ, dọ, Yen Josefu wẹ; bó otè ṣie gbè sọ tin to ogbè? Mẹmẹsunnu etọn lọ ma sọ sọgan gblọn nẹ̃; na yè hẹn búdi yé to nukọn etọn.