Popular Bible Verses from JOHANU 15

Share

Yẹn wẹ ovẹntin lọ, mìwlẹ wẹ alà lẹ: ewọ he nọnọ̀ yẹn me, podọ yẹn to ewo me, dopolọ wẹ hẹn sinsẹ́n susu: na jijẹla sọn dè mìwlẹ ma sọgan wà núde

Mì nọnọ̀ yẹn mẹ, podọ yẹn to mìwlẹ mẹ. Dile alà ma sọgan hẹn sinsẹ́n ededenu, adavó é nọnọ̀ ovẹntin mẹ; mokẹdẹ wẹ mìwlẹ ma sọgan, adavo mì nọnọ̀ yẹn mẹ.

Eyín mì nọnọ yẹn mẹ, bọ ohó ṣie lẹ sọ nọnọ̀ mìwlẹ mẹ, mì na kàn onú he mì jlo biọ, é bo na sọ yín wiwà hlan mì.

Mìwlẹ ma wẹ dèmi gba, ṣigba yẹn wẹ dè mì, bo sọ nasẹ mì dọ mi ni yì bo hẹn sinsẹ́n, podọ na sinsẹ́n mìtọn nido nọte: na onú depope mì na biọ sọn Otọ́ de to oyín ṣie mẹ, é nido na ẹn mì.

Mede ma tindo owanyi he klo hú ehe, dọ mẹde zé ogbè eton liai na hontọn etọn lẹ

Alà depope to yẹn mẹ, he ma hẹn sinsẹ́n, ewọ dè e sè: podọ alà depope he hẹn sinsẹ́n, ewọ lè ẹ wé, na é nido hẹn sinsẹ́n húmọ.

Ehe wẹ osén ṣie, Dọ mì ni yiwanna, mìnozo, yèdọ dile yẹn yiwanna mì do.

To ehe mẹ wẹ yè pagigona Otọ́ ṣie te dọ, mì ni hen sinsẹn susu; mowe miwlẹ nasọ yín nuplontọ ṣie.

YẸN we ovẹntin nugbo lọ, Otọ́ ṣie wẹ oglesi.

Eyín mede ma nọnọ̀ yen me, yé dè e dlangbe kẹdẹdi alà de, é sọ yé; yè sọ bé ye pli, bo zé yé dlẹn miyon mẹ, bo sọ fiọ yé.

Onú helẹ wẹ yen ko dọ hlan mì, na ayajẹ ṣie nido tin to mì me, podo na ayajẹ mìtọn nido yín hinhẹnpé.

Eyín mì yin osén ṣie lẹ, mì na nonò owanyi ṣie mẹ; yèdọ dile yen yin osén Oto ṣie tọn, bo sọ nọno owanyi etọn mẹ do

Onú helẹ wẹ yen degbena mì dọ, mì ni yiwanna mìnọzo.

Eyín mìwlẹ ko yín aihọn tọn, aihọn na yiwanna etọn titi; ṣigba na mì ma yín aihọn tọn wutu, ṣigba yẹn ko dè mì sọn aihọn mẹ, enẹwutu wẹ aihọn gbẹwanna mì.