Popular Bible Verses from LUKU 6

Share

Mì na ome, yè nasọ na mì; ojlé dagbedagbe, zindodò, he yè whandopọ, he gọfla, wẹ yè na jlé do akọnnu mìtọn. Na ojlé dopo he mì do jlé, wẹ yè nasọ yí do jlé hlan mì.

Gbẹtọ dagbe sọn adọkunnú dagbe ayiha etọn mẹ tọn wẹ é nọ hẹn enẹ he yín dagbe tón jẹgbonu sọn wá; gbẹtọ ylankan sọn adọkunnu ylankan etọn mẹ tọn wẹ é nọ hẹn enẹ hẹ yín ylankan tọ́njegbonu sọn wá: na sọn onú ayiha gege tọn me we onù nọ dọ.

Ṣigba mì ni yiwanna kẹ̀ntọ mìtọn lẹ, bo nọ wà dagbe na yé, bo nọ yànnamẹ madosisi mede tọn; ale mìtọn na sọ yín daho, podọ mì na sọ yín visunnu Gigogan tọn lẹ: na ewọ yín dagbenọ hlan mayọndagbenọ po mẹylankan po.

Na mì ni do lẹblanu, kẹdẹdile Oto mìtọn do lẹblanu do.

Podọ mì dawhé blo, yè ma sọ to owhè na da na mì; mì gblewhẹ̀do omẹ blo, yè ma sọ to na gblewhèdo mì; mì jonamẹ, yè nasọ jona mì.

Ṣigba yẹn dọ hlan mì, he to sisè lẹ, Mì yiwanna kẹ̀ntọ mìtọn lẹ, mì wà dagbe hlan yé he wangbéna mì lẹ, mì dona yé he sọ to dẹ̀hodo mì lẹ, mì hodó na mẹhe to mì hẹngble lẹ.

Le mì jlo dọ gbẹtọ lẹ ni wà hlan mì do, mọkẹdẹ wẹ mì ni wà hlan yé do.

Na ewọ he ho alaka dopo na we, ló awetọ hlan ẹn ga; mẹhe yí avọ̀ towe, a hẹnẹn dote nado yí awù towe ga blo. Na òmẹ dopodopo he biọ onú de we lẹ; podọ sọn ewọ he bé agbàn towe sé si, a sọ gò kan yé biọ blo.

Na atin dagbe ma nọ hẹn sinsẹ́n ylankan jẹgbonu wá gba, mọwẹ atin ylankan ma nọ hẹn sinsẹ́n dagbe jẹgbonu wá gba.

Na atin lẹpo wẹ yè yónẹn gbọn sinsẹ́n ewlọsu tọn dali. Na gbẹtọ ma nọ gbèn ovò sinsén to owùnkan mẹ, mọwẹ yè ma nọ gbón ovẹ̃n sinsẹ́n to vẹwun ji.