Popular Bible Verses from SAN LUCAS 23

Share

Quiaj Teat Jesús tapiüng: ―Teat Dios, nde meyac wüx imeaats aaga ngo majneaj teamarangüw cam, cos ngo majawüw cuane teamarangüw ―aw. Condom ajcüwa soldados tasuetiw wüx apix nej, membaagayej wüx.

Quiaj tasaj nej Teat Jesús: ―Naleaing sasaj ic xecual, nganüy apmajlüyiür tiül noic najneajay cambaj nasoic paraíso ―aj nej.

Condom aaga naxey tasaj Teat Jesús: ―Teat Jesús, ich leaam imeaats xic wüx apmejlüy niüng irang natang nenajiüt ―aj.

Condom Teat Jesús tepaj napac, tapiüng: ―Teat, sayac tiül iwix xeespíritu ―aw. Wüx landoj mapiüng aag ayaj, quiaj tandeow.

Condom tapeayiw wüx Calvario, nasoic Omal Mondeow, quiaj tayacüw wüx cruz Teat Jesús maquiiüb ajcüw ijpüw monrang xeyay ngo majneaj quiaj. Nop tayacüw amb wüx miác nej, alinop amb wüx miquiamb nej.

Wüx lamatüch limnüt, quiaj pojniüt nómban meáwan wüx iüt. Tiün ram lapeay tiül pinawan nchejliow nüt. Nüt nómban ngo merraj, at aaga tarrang jael nepal teomeaats nadam nangaj iüm nómban chiütaw pinawan.

Condom aaga natang tiül soldados, wüx tajaw meáwan leawa tajlüy quiaj, tandeac najneaj wüx Teat Dios, tapiüng: ―Naleaing, aaga naxey quiaj ngo majiür nicuajind nisoet ―aw.