Popular Bible Verses from YOHANES 19

Share

Sanggeus Anjeunna ngaraosan, tuluy ngalahir, ”Geus tutas!” Sanggeus kitu mastaka-Na ngulahek, Yesus geus pupus.

Yesus geus ngaraos yen sagala rupana ayeuna geus tutas. Jeung sangkan laksana anu kaungel dina Kitab Suci, Anjeunna ngalahir, ”Kami halabhab!”

Yesus ningali ka ibu-Na jeung ka murid anu dipikaasih, tuluy ngalahir ka ibu-Na, ”Ibu, eta teh putra ibu!” Ngalahir deui ka eta murid, ”Eta teh indung hidep!” Ti harita ibuna Yesus ku eta murid diaku indung, dibawa ka imahna.

Barang rek minggeskeun sampean Yesus, teu tulus, sabab tetela Anjeunna mah geus pupus. Tapi aya hiji serdadu anu nojos angkeng-Na ku tumbak, brey bijilan getih campur cai. (

Kitu kajadianana, supaya laksana ungel Kitab Suci anu kieu, ”Tulang Anjeunna sahiji ge moal aya anu dipotongkeun.” Aya deui ungel Kitab Suci anu kieu, ”Jalma-jalma ngarawaskeun ka Anjeunna sanggeus Anjeunna ditumbak.”

Anjeunna kaluar bari manggul salib-Na ku anjeun, terus nepi ka tempat anu katelah ”Tempat Tangkorek”. (Dina basa Ibrani disebutna ”Golgota”.)

Ari serdadu-serdadu tuluy nyieun mamakutaan tina regang-regang anu cucukan, diterapkeun kana mastaka Yesus sarta Anjeunna dianggoanan jubah warna wungu.