Popular Bible Verses from Matio 18

Share

Dɛ̍nu̍ɛ, nyɔ̍ ùh wɔ̌ɛn-a ǎn tìh i̍-ɛ, tà u̍h-a sɔɔ̌n ke ta̍a̍n-a mu̍-a tàdùè gbǎ-ɛɛ, nɛ̀ ǐn nɛ dě u̍h nynɛ̌.”

“Bɔ̌ ǐn sèàɛ̍ mɔ̀ dɛ̍ dɛɛ wlùh, pò mɔ̀-a nyɔ̍ sɔɔ̌n blě wlùh due nɔ̌ bloɔ̍ wɛ̀ u̍h iě dɛ̍-a tìh ba̍le-ɛ, nɛ̀ ǐn Baa nɛ-a dě ja̍i̍wlɔ̀-ɛ, ɔ̍ mu̍ ɛ̍ nu̍ dǒ u̍h we̍.

Sɔ Jusu dǎ jǔwɛ due sǔh, wɛ̀ ɔ̍ nynaɛ ɔ̍ i̍ dǒ u̍h jǔ. Iě ɔ̍ la̍a̍, “Tìh-a taǐn ǎn sèàɛ̍ mɔ̀ wlùh, pò nyɔ̍ se̍ gblɛ̍n i̍ bǐi ɔ̍ iě jǔwɛ la wɔ̀-ɛ, nɛ̀ ɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ nɛ mu̍.

Ɛ̍ tìh-ɛ, nyɔ̍ ɔ̀ mu̍-a ɔ̍ chɛ̀ wlù ja wɛ̀ ɔ̍ iě-a jǔwɛ la wɔ̀-ɛ, nɛ̀ ɔ̍ bo ɔ̀ ku̍ wɔ̍n dǒ ɔ̍ ba̍ᵻ kɛ̍n dě Nyɔsoa-a kmɔ̌ wlu̍ i̍ kɔn-ɛ di̍i̍.

Nyɔ̍-o-nyɔ̍ ɔ̀ gbɛ̍n-a jǔwɛ la ɔ̍ tìh i̍ dǒ ǎn nynɛ̌ kɛ̍n-ɛ, nɛ̀ ɔ̍ gbɛ̍n ǎn tìh i̍ wɛ̀ ke.”

“Bɔ̌ ǐn sèàɛ̍ mɔ̀ wlùh, dɛ̍ mɔ̀ dbǎ-a i̍ nɔ̌ bloɔ̍-ɛ, nɛ̀ ɛ̍ mu̍ i̍ dbǎ-ɛ ke dě ja̍i̍wlɔ̀. Nɛ̀ dɛ̍ mɔ̀ pɔ̀ni-a nɔ̌ bloɔ̍-ɛ, nɛ̀ ɛ̍ mu̍ pɔ̀ni-ɛ ke dě ja̍i̍wlɔ̀.

“Ɛ̍ tìh-ɛ, mɔ̀-a nyɔ̍ jɔ se̍-a ɔ̍ ba̍-a dɛ̍ sɔ̀n-a tìh i̍ tǎli mu̍ dě ɔ̍ wlùh di̍i̍-ɛ, nɛ̀ ǐn Baa nɛ-a dě ja̍i̍wlɔ̀-ɛ, kǎ ɔ̍ mu̍ ɔ̍ tìh nu̍ ke.”

Jusu la̍a̍, “Jɛ ùh plìh la ùh gbaɛ-a ǐn wlùh-ɛ, nyɔ̍-o-nyɔ̍ ɔ̀ mu̍-a u̍h-a wlùh fèàɛ̀ dě gblɛ̍n sɔ̀ɛ̀n we̍-ɛ, nɛ̀ ɛ̍ mu̍ i̍ blaɛ u̍h iě nyɔ̍ kaɛn laa̍ dui-sɔɔ̌ dɔ̍ i̍ sa̍n-ɛ, wɛ̀ u̍h iě ɔ̍ jbǒ kɛ̍n po̍.

“Pò nyɔ̍ blě blawɛ̌ᵻá kmɛ due wɛ̀ due iě ɔ̍ jlǐh mǎ-ɛ dě i̍h nynɛ̌-ɛ, nɛ̀ ka ɔ̍ mu̍ nu̍ ɛ? Nɛ̀ ɔ̍ se̍ blawɛ̌ᵻá kwela mɛ̀nyìɛ̍ jɔ̌ mɛ̀nyìɛ̍ (99) laa̍ dě tlu̍hᵻ kɛ̍n sie mu̍ wɛ̀ ɔ̍ iě due laa̍ i̍ pɔ̀n ae?