Popular Bible Verses from San Juan 4

Share

Ndios kúu Níma̱ ndinoꞌo, ta saá ni̱vi xíni̱ ñóꞌó ña koo Níma̱ Ndios ini na ña kuchiño va̱ꞌa kasa káꞌno na ra, ta xíꞌin ña ndinoꞌo nda̱a̱ ini na xíni̱ ñóꞌó kasa káꞌno na ra.

Xa yatin ní va̱xi ki̱vi̱, ta xa vitin kúu ki̱vi̱ ña ni̱vi na kúu na ndixa kasa káꞌno Yivá i̱ Ndios, nayóꞌo xíni̱ ñóꞌó kasa káꞌno na ra xíꞌin ña ndinoꞌo níma̱ na, ta xíꞌin ña xíni̱ na to̱ꞌon ndixa xa̱ꞌa̱ ra. Saá chi Yivá i̱ nándukú ra ni̱vi ña kasa káꞌno na ra saá.

Ta ndiꞌi ni̱vi na koꞌo takuií tá taxi i̱ ndaꞌa̱ na, nayóꞌo nda̱ ñii ki̱vi̱ o̱n yi̱chi̱ ka̱ na takuií. Saá chi takuií tá taxi i̱ koꞌo ni̱vi nduu rá ñii pozo káꞌno ní ini na, ta nda̱ ñii ki̱vi̱ o̱n ndoko takuií yóꞌo. Ta ni̱vi na koꞌo takuií tá taxi i̱ o̱n kivi̱ na, chi takuií tá taxi i̱ kómí rá ndee̱ ña taxi rá kutaku̱ ndinoꞌo ni̱vi ndiꞌi saá ki̱vi̱ ña va̱xi ―káchí ta̱Jesús xíꞌin ñáñoo Samaria.

Ta saá nda̱kuii̱n ta̱Jesús, ni̱ka̱ꞌa̱n ra xíꞌin ñá: ―Tá xíni̱ ví ún ñava̱ꞌa ña kóni Ndios taxi ra ndaꞌa̱ ún, ta tá xíni̱ ví ún yu kúu yi̱ꞌi̱, ta saá ndukú ún no̱o̱ i̱ takuií koꞌo ún, ta yi̱ꞌi̱ taxi i̱ rá ndaꞌa̱ ún. Ta takuií tá taxi i̱ ndaꞌa̱ ún kúu takuií tá kómí ndee̱ ña taxi rá kutaku̱ ndinoꞌo ni̱vi ―káchí ta̱Jesús xíꞌin ñá.

Ta nda̱kuii̱n ta̱Jesús, ni̱ka̱ꞌa̱n ra xíꞌin na, káchí ra saá: ―Ñaxíxi ndinoꞌo kúu ña kasa ndivi i̱ ta saxi̱no̱ i̱ ña kóni Ndios, ta̱a ta̱ ti̱ꞌví yi̱ꞌi̱ ki̱xaa̱ i̱.

Ta nda̱kuii̱n ñáñaꞌa̱ yóꞌo, ni̱ka̱ꞌa̱n ñá, káchí ñá saá: ―Tata, o̱n vása níꞌi ún nda̱ ñii ña kuchiño tava ún takuií, ta kónó ní ñóꞌo rá pozo yóꞌo. Ta saá, ¿míkía̱ va̱xi takuií tá káꞌa̱n ún xa̱ꞌa̱?

Ta nda̱kuii̱n ñá, ni̱ka̱ꞌa̱n ñá, káchí ñá saá: ―Xíni̱ i̱ ndí ñii ki̱vi̱ kixaa̱ ta̱Mesías, ta̱a ta̱ tiꞌví Ndios saka̱ku ra mi̱i yó. Ta ta̱yóꞌo tuku sákunaní na ra Cristo. Ta ki̱vi̱ kixaa̱ ta̱yóꞌo, ta sanáꞌa ra mi̱i yó ña nandaxin ra ndiꞌi ña xíni̱ ñóꞌó kunda̱a̱ ini yó ―káchí ñá xíꞌin ta̱Jesús. Ta nda̱kuii̱n ta̱Jesús ni̱ka̱ꞌa̱n ra xíꞌin ñá: ―Yi̱ꞌi̱, ta̱a ta̱ káꞌa̱n xíꞌin ún, kúu ta̱a ta̱ káꞌa̱n ún xa̱ꞌa̱ ―káchí ra xíꞌin ñá.

―Naꞌa ndó koto ndó ñii ta̱a ta̱ ni̱ka̱ꞌa̱n xíꞌin i̱ xa̱ꞌa̱ ndiꞌi ña ke̱ꞌé i̱. ¿Án o̱n si̱ví Cristo kúu ta̱yóꞌo? ―káchí ñá xíꞌin ni̱vi ñoo ñá.