Popular Bible Verses from GALUEGA 1

Share

Ka fakafonugina koutou i te 'mana manafai e oko atu ki luga i a koutou a te Agaga Tapu. Ka fai foki koutou mo molimau ki a au i Ielusalema, i Iutaia katoa mo Samalia, ke oko eiloa ki kapakapalagi o te lalolagi.”

Muna a Iesu ki a latou: “A taimi mo tau o aso ne fai eiloa ne toku Tamana i tena pule, kae e se 'tau mo koutou o fia iloa me ko afea e 'tupu ei.

Ka koi fakatasi a ia mo latou, fakatonu atu ei ne ia a latou, “Ke sa olo keatea koutou mai Ielusalema, ka ke faka'tali ki te meaalofa a toku Tamana ne fai feagaiga atu ne au ki a koutou. A loane ne papatiso ki te vai, kae se leva nei ko papatisogina ei koutou ki te Agaga Tapu.”

Mai tua o te fasefulu aso talu i tena matega, ne fakaasi fakauke atu a ia ki a latou, ko te mea ke tali'tonu latou i a ia ko toe ola mai. Ne lavea ne latou a ia, kae ne fai'pati foki mo latou e uiga ki te Malo o te Atua.

I te otiga o ana muna konei ko te mea eiloa ko avake a ia ki te lagi, kae onoono atu eiloa latou ki a ia, ka ko te kaumana ne 'pono ne ia Iesu mai i olotou mata.

Ka koi kilo'kilo atu eiloa olotou mata ki tena fanakega ki te lagi, e 'poi fua me ko 'tu mai te tokolua tagata i olotou mua, e 'pei ki gatu 'kena. A la muna, “Tagata Kalilaia, ai a e 'tu ei koutou i kona o kilo'kilo ki te lagi? Ko Iesu tena, tela ne avake ki te lagi mai ia koutou, ka pena foki mana foki mai, e pela mo te otou laveaga i tena fanakega ki te lagi.”