Popular Bible Verses from Luka 23

Share

Mmɔ na Yesu ɔ́su ɔnini, “Ati, ti kyiɛ-ma, ɔsika baaagyi lɛla lɛni na baabla.” Ɔmmɔ kama ni, bekpone bammɔ béle Yesu adala aani kalɛ na ɔdi biala egulabi ani na ɔ́tu ádi kalɛ.

Mmɔ na Yesu ɔ́su-nwu ɔnini, “Mɔɔsu-ɔ geen nnii ɔmwi ɔmɛni kani ni, ami ku awɔ ƒui bɔdubo buduo Paradiso kemmo.”

Amu na ɔ́su Yesu ɔnini, “Yesu, nyimo-mi si éduo ƒula lɛga kadikɔ.”

Na Yesu ɔ́va ku lɛdi momoomo ɔnini, “Ati, líti mina kɔyu lɛ́kya-a enu kemmo.” Ka ɔ́su ɔmɛni ni, ɔ́yula.

Ka bébedu likpo lɛni baalɔ banii Opokuo ni, bákana Yesu bámana ugyii lɛlɔ mmɔ. Na banana bekpidi inyɔ bammɔ lɛnɔ ni, bákana-ma bámana ligyii lɛlɔ na Yesu kɔmii ku kɔdianu kakɛ.

Uwi ɔmmɔ ka ɔ́bla aani ɔƒiiwi lɛdɔ leevu-inyɔ ni, ɔƒɛ ɔ́da bɔlɛ ɔ́ya na kadi kábla suu na kalɔ kammɔ ƒui lɛlɔ úti útédu lɛdɔ ɛtɛ kemmo. Na Katɔti kakpakɔ kɔdi kɔni nƒa mmɔ kɔ́bwɛ na kúle akpa anyɔ.

Bekpone ɔtɔnkune ɔmmɔ ɔ́nu lɛla lɛni nálɛ na úmwi Katɔti ɔ́su ɔnini, “Sɔsɔ geen na ɔdi ka ukyuli ɔmɛni ɔdi ukyuli ɔbuni.”