Popular Bible Verses from Juan 15

Share

“Nuti nukuti'i eta táenaki'i eta uva. Eti tímikutijirikawa'i nutawa'e'i. Te ímiyanawa iúrujiakanu, ichapemuriyare'i eta ekaemataneasiranuya. Té'esera ákarichu eti, tájina erata'akenéma'i ícha.

Eta taka'e, ímiyanawayare eta iúrujiasiranuyare nuti, takuti eta náwa'asira'e'i eti, apaesa ákuti eta tatawa tika'iriki. Taicha te viyuvetuka eta tatawa eta uwa, waipa tika'ima'i, ene eka'e'i eti, te wa'i ekuimiyanawa iúrujiakanu.

“Ímiyanawa yátupina eta iúrujiasiranu. Yátupinaware eta ítauchiraina eta nímiturapiana. Tási'a, te eyaseakanupuka jákani ewara'akeneana'i, nuti níjaraka'eya.

Wa'i étina'ini enerejikanu'ini eta é'isiranu'i, nuti nunerejika'e'i eti, puiti nutuparaka'e, eyanayare ichapemuriyare eta ekaemataneasiranuyare. Eta taka'e ema Tata tíjaraka'eyare tamutu eta eyasearuanayare te níjare.

Ena achaneana, te nawara'a'i náimereka eta náemunasira'i nákani náemunaruana'i, tíjararekawanapuka eta náepenira'i, ena yátupi'i náimereka eta náemunasira'i ema najiriare.

Ema máechuka eta má'irikere'i tatawa. Máepachiakaware eta apana tatawana eta tika'irisi, apaesa taka'ipana.

Nápecha'e numetaka'e eta juka nuwanairipi eta eye'e: Yátupina eta émunasirakakaina. Ákutinu eta némunasira'e'i nuti.

Eta juka ímerekaipa eta makunachakarewa'i ema Tata, eta ekaemataneasiranu, apaesa tétavikawainapa eta makunachakarewaya ema. Tási'a, ekaecheraipa'i eta yátupira'i nímiture'e.

“Nuti'i yátupikene sukureka uwa, tási'a ema Tata, éma'i tijaneaka'i eta sukureka.

Nákani tijunijiakanuanayare, tikutianayare te tikaechu eta tatawaki, tiájikiyare'i. Tási'a, nakurujikainapa, náijuchainapa te yuku.

“Eta juka nímikutiarachira'i, nuwara'a'i iápajuka eta iúrisamurewa'i, tási'akene'i eta iáwa'asiranu'i nuti. Tási'a ekutinuya eta núrisamurewa'i.

Eta ímiyanirawa esuapira'i eta nuwanairipiana, tijurukapaipa eta ímatira'i eta némunasira'e'i. Takuti eta nítauchira'i nuti eta mawanairipiana ema Tata, nímatipaipa eta máemunasiranu'i ema.

Nuwara'a ítaucha eta juka nuwanairipiana: Yátupina émunakaka.

Te etainaicha'ini iáwaku'a'ini eta taye'erepiana eta apake'e, ena achaneana témunaka'eanaipa'ini, takuti'ini eta náemunajirisirakaka'i ena. Étasera eta nunerejisira'e'i te nataraku ena achaneana, étapa tiviucha'e'i eta nakatianasira'e'i, taicha ínajikaipa eta máeperajikene taye'e eta apake'e.