Popular Bible Verses from Luka 8

Share

Nomba imbuto shawile mumushili uuweme ebantu abomfwa amashiwi aku Lesa nokuyasunga mumutima uuweme nakmbi uwachumfwila. Balapitilila ukufikila batwala nefitwalo.

Imbuto shawile muminga, ebantu abomfwa amashiwi aku Lesa. Nomba amasakamiko nobusambashi namangalo aapanonshi, filabapulula, echo nefitwalo fyabo tafipyapo.

Imbuto ishawile mulubwelekese, ebantu abomfwa amashiwi aku Lesa nokuyapokelela elo nokusekelela, nomba tayenjilisha mumitima yabo. Bakochetekela pakashita akanini bwaka. Ulo inshita yakwesheka yaisa balanakuka.

Elo Yesu afumbile abakusambila bakwe ati, “Nga ichichetekelo chenu chili kwisa?” Nomba bo balishimbilwe nokuba nomwenso uukulu. Balifumbene bati, “Nga yu muntu aba shani uwakuti aeba ichipupu namatamba neshiwi bwaka, nokumumfwila fyamumfwila?”

Imbuto shawile munshila ebantu abakoumfwa amashiwi aku Lesa. Nomba Satana alesa nokufumyamo mumitima yabo ukuti bechetekelapo nokupuluka.

“Chonse ichafisama chikaletwa apabuta, nachonse ichafunikilwa chikesa kufimbulwapo nokuba apabuta.

Ulo umwanakashi abwene ukuti ayishibikwa, alishile nokukanka, afukama napamakasa aku Yesu. Elo pamenso abantu bonse, alimwebele ifyo amwikatile, nomo apolele mukwangufyanya. Elo Yesu asosele kuli ye ati, “We mwana wanji, ichichetekelo chobe chakuposha. Endelapo umutende.”

Elo abakusambila bayile kuli Yesu nokumubusha bati, “Bashikulu, Bashikulu! Tuli apepi nokufwa!” Yesu alishibukile nokukalipila ichipupu namatamba. Fyonse fyalilekele, patalele chelele.