Popular Bible Verses from 1 ໂຄ​ລິນ​ໂທ 13

Share

ເຊ ກ໊ອງ ຮນ້ຳ ມ່ຽນ, ຕສ່ຽວ ໂຕສ໋ວ ຕຸ໊ ໂຮຍ້ວ ດ໊າວ ຢ່າ ໂຕສ໋ວ ຫລົງ ປຸນ ມ່ຽນ. ເຊ ກ໊ອງ ຮນ້ຳ ມ່ຽນ, ຕສ່ຽວ ໄມ້ ເໝວີ່ຍ ເຈັ໊ຍ, ໄມ້ ເທສງ-ໂຮລ, ໄມ້ ໂຕສ໋ວ ເໝົາ, ໄມ້ ໂຕສ໋ວ ຮນັ້ງ ໄມ້ ເຕສັ໊ຍ ເລີ໌ຍ ນໍ. ເຊ ກ໊ອງ ຮນ້ຳ ມ່ຽນ, ຕສ່ຽວ ໄມ້ ໂຕ້ວ ກັ້ນ ຕຸ໊ ຫລົງ, ໄມ້ ເຖຈຍ ເຈ໌ຍ ຊຽບ, ໄມ້ ຈັ໋ງ ມ່ຽນ ໂຕສ໋ວ ຕ່ອງ ເຍີຍ ສີ່.

ເຊ ກ໊ອງ ຮນ້ຳ ມ່ຽນ, ຕສ່ຽວ ຢຽມ ໝ່ານ ສີ່ ໄຮ່ ເຕ໊ຍ ຕຸ໊, ຢຽມ ໝ່ານ ສີ່ ມ່າຍ ສຽນ ຟິມ, ຢຽມ ໝ່ານ ສີ່ ມ່າຍ ລ່ຳ ຮນ້ຳ ຕ໋ອງ, ຢຽມ ໝ່ານ ສີ່ ຢ່າ ມ່າຍ ໜ່ອຍ.

ເຊ ກ໊ອງ ຮນ້ຳ ມ່ຽນ, ຕສ່ຽວ ໄມ້ ອະເຮນີ້ຍ ຫວ່າຍ ເຍີຍ ສີ່, ຂູງ ອະເຮນີ້ຍ ຕສຽນ ເລີ໌ຍ ຮນັ້ງ.

ມປ່າ ອີ້ ຕສັ່ນ ຖສໍ່ ມ່າຍ ປົວ ຫຍູ່ງ ຢຽມ ຈ໊ຽນ. ມ່າຍ ສຽນ ຟິມ, ມ່າຍ ລ່ຳ ຮນ້ຳ ຕ໋ອງ, ມ່າຍ ລ່ານ ຮນ້ຳ ລ່ານ. ມປ່າ ເກົ້າ ໂຮລ ເຈ໋ຍ ເຊ ລ່ານ ຮນ້ຳ ລ່ານ.

ຮນ້ຳ ມ່ຽນ ເຍີຍ ວົ້ວ ຫຍູ່ງ ໂຮຍ້ວ ຢຽດ ລິ໌ວ ໄມ້ ໄຮ່ ເດສ່ງ. ໂຕ່ວ ທິນ-ຮູ່ງ ເຍີຍ ຫວ່າ ມປ່າ ໄມ້ ຕຸ໊ ຢຽດ ລິ໌ວ ໂຕ່ວ, ຕສູ໊ງ ອ໋ອຍ ເຈ໋ຍ ເດສ່ງ. ມ່າຍ ຕສີ້ງ ເຫຍີ່ຍ ກ໊ອງ ກັ້ນ ຫຍູ່ງ ຫວ່າ, ມປ່າ ມ່າຍ ນອມ ຮນອຍ ນ້າຍ ເຕີ໋ຍ ຫວ່າ ຕສູ໊ງ ອ໋ອຍ ຕສຸ ປ່າ ອ໊ະ. ມ່າຍ ວ່ວນ ຕສາງ ມປ່າ ອ໋ອຍ ດ໊ອດ ເດສ່ງ

ເຊ ກ໊ອງ ເຢຍ ໄຮ່ ກ໊ອງ ເດສ່ງ ລູ່ງ ເດ໊ຍ ມ່ຽນ ເຍີຍ ຫວ່າ, ຢ່າ ໄຮ່ ກ໊ອງ ຟິນ-ມ່ຽນ ເຍີຍ ຫວ່າ, ມປ່າ ເຢຍ ໄມ້ ຮນ້ຳ ມ່ຽນ, ເຢຍ ກ໊ອງ ເຍີຍ ຫວ່າ ຕສ່ຽວ ຮນັ້ງ ເບ໊າະ ລໍ່ ມອງໆ ເຍີຍ, ຢ່າ ຮນັ້ງ ອກ໊າບ ທສ່າວ ເຕສີ໊ຍ ບຸຍ ແທສນໆ ວົ້ວ ນໍ.

ເຊ ກ໊ອງ ເຢຍ ມ່າຍ ຕສີ້ງ ເຫຍີ່ຍ ໄຮ່ ໂຕ່ວ ທິນ-ຮູ່ງ ເຍີຍ ຫວ່າ, ຢ່າ ໄຮ່ ເມ່ງ ແປະ ຢຽດ ຕສູ໊ງ ໄມ້ ແກ້ງ ບຢ໋າງ ຢ້າງ ເຍີຍ ສີ່, ຢ່າ ມ່າຍ ຫຍູ່ງໆ ວ່ວນ ຕສາງ, ຢ່າ ມ່າຍ ສຽນ ຟິມ ເຮ້ນ, ຕສູ໊ງ ໄຮ່ ເຫ່ວ ຕຸ໊ ບົງ ຖຸຍ, ມປ່າ ເຢຍ ໄມ້ ຮນ້ຳ ມ່ຽນ, ເຢຍ ຕສ່ຽວ ໄມ້ ຕສີ່ ຕສິ້ນ ອ໊ະ.

ເຊ ກ໊ອງ ເຢຍ ເຕສ໊າະ ເຢຍ ມ່າຍ ເຍີຍ ຢຽດ ຕສູ໊ງ ກະນ້າຍ ປຸນ ມ່ຽນ ຈົ່ມ ມ່ຽນ, ລ່ຽມ ກັ້ນ ເຍີຍ ຊິນ ຈິວ ປຸນ ມ່ຽນ ປົ໊ວ ກວັ່ງ, ມປ່າ ເຢຍ ໄມ້ ຮນ້ຳ ມ່ຽນ ນໍ, ເຢຍ ໂຕສ໋ວ ເຍີຍ ຢຽດ ຕສູ໊ງ ເຊ ໄມ້ ເຖງ ເຢຍ ຕຸ໊ ຫລົງ.

ເຢຍ ໂຕສ໋ວ ຝຸຈ໊ວຍ ເຍີຍ ຕສຢັ້ງ ໂຫ່, ເຢຍ ກ໊ອງ ຫວ່າ ຮນັ້ງ ຝຸຈ໊ວຍ, ໂຮຍ້ວ ຢ່າ ຮນັ້ງ ຝຸຈ໊ວຍ, ຕ໊າ ຕສະເອີ໋ຍ ຢ່າ ຮນັ້ງ ຝຸຈ໊ວຍ ເຍີຍ ຕສະເອີ໋ຍ ນໍ. ມປ່າ ເຢຍ ເປ໋ນ ຕົ້ມ ມ່ຽນ ເຢຍ ຕສ່ຽວ ກວັ່ງ, ໄມ້ ໂຕສ໋ວ ຝຸຈ໊ວຍ ເຍີຍ ສີ່.