Popular Bible Verses from ໂລ​ມາ 6

Share

ເຫວີ່ຍ ຕສຸ ຕສຸ໌ຍ ເຍີຍ ກົງ-ຕສິ້ນ ເຊ ປຸນ ມ່ຽນ ຕສຸ ໄຕ່, ມປ່າ ທິນ-ຮູ່ງ ແປະໆ ປຸນ ເຍີຍ ຕສີ້ງ ເຫຍີ່ຍ ເຊ ບົວ ເຖສົາ ບົວ ເຍີຍ ຕສ໊ຽວ ກີ​ຕູ່ ເຢ​ຊູ ຈວັ່ງ ແໝ່ງ ຕສຢັ້ງ ຕສ່ຽວ ຕຸ໊ ຢຽດ ລິ໌ວ ເຍີຍ ແໝ່ງ.

ຕສຸ໌ຍ ໄມ້ ຕຸ໊ ແອ໋ງ ໂຕສ໋ວ ເມີ່ຍ ບົວ ເຍີຍ ຕສ໊ຽວ, ເຫວີ່ຍ ຕສຸ ເມີ່ຍ ບົວ ໄມ້ ຢຽມ ເລີ໌ຍ-ຫລັດ ກະເດ໊ຍ. ເມີ່ຍ ບົວ ຢຽມ ທິນ-ຮູ່ງ ເຍີຍ ເອນ ກະເດ໊ຍ.

ຮນັ້ງ ໜ່າຍ, ບົວ ເຈ໋ຍ ວວມ ເຍີຍ ເລີ໌ຍ, ບົວ ເຖສົາ ກີ​ຕູ່ ໄຕ່ ມີ່ງ ປຢົ໊ບ ຈ໊ຽນ ເຫວີ່ຍ ປຸນ ບົວ ຕຸ໊ ຊຢັງ-ຕສຢັ້ງ ແໝ່ງ, ຮນັ້ງ ກີ​ຕູ່ ໄຕ່ ມີ່ງ ຕສັ່ງ ເຕ໋ຍ ຢ່າ ຫລົ່ງ ອຈັງ-ຫລ່າງ ເຍີຍ ຕົ້ມ ທຈະ ປຸນ ນິ່ນ ແອ໋ງ ນັ່ງ ຕ້າຍ ຕສຢັ້ງ ຈ໊ຽນ ວົ້ວ ນໍ.

ໄມ້ ຕູ໋ງ ປຸນ ຊິນ ຕສັ່ງ ເຍີຍ ຫາຍ ຫຍູ່ງ ໂຕສ໋ວ ຕສຸ໌ຍ, ຫລົ່ງ ໂຕສ໋ວ ຫວ່າຍ ໄຫ່ ເຍີຍ ສີ່. ຕ໋າວ ດສ໋ວນ ອ໋ອຍ ຕສຸ ຝູງ ກັ້ນ ປຸນ ທິນ-ຮູ່ງ, ຮນັ້ງ ໄຕ່ ມີ່ງ ມປ່າ ທິນ-ຮູ່ງ ປຸນ ແອ໋ງ ນັ່ງ ຕ້າຍ ເຍີຍ ມ່ຽນ ນໍ. ຢ່າ ເຕສ໊າະ ຊິນ ເຍີຍ ຫຍູ່ງໆ ປຸນ ທິນ-ຮູ່ງ ຫລົ່ງ ໂຕສ໋ວ ຫອບ ເຍີຍ ເຈົ໊າ.

ບົວ ຢ່າ ຮິ້ວ ຕຸ໊ ບົວ ເຍີຍ ໂລ໌-ໂຮຍ້ວ ຕສຸ ເຖສົາ ກີ​ຕູ່ ຕີງ ວົ້ວ ຕສຽບ ດສັ່ງ ຈ໋າ ເຫວີ່ຍ ປຸນ ປ໌າມ ຕສຸ໌ຍ ເຍີຍ ໂຮຍ້ວ ຕສຸ ໝຽດ. ບົວ ຢ່າ ໄມ້ ຕສຸ ແອ໋ງ ໂຕສ໋ວ ຕສຸ໌ຍ ເຍີຍ ໂນ່ວ.

ເມີ່ຍ ບົວ ຟີ່ ຮນັ້ງ ເຍີຍ, ອ໋ອຍ ຕສຸ ຝຸນ ກັ້ນ ຮນັ້ງ ໄຕ່ ໝີ່ ອ໊ະ ນໍ, ຕສຸ໌ຍ ກຸ໊ນ ໄມ້ ຈ໊ຽນ. ມປ່າ ເມີ່ຍ ບົວ ເຖສົາ ກີ​ຕູ່ ເຢ​ຊູ ຈວັ່ງ ແໝ່ງ ຕສຢັ້ງ ຕສ່ຽວ ເຫວີ່ຍ ທິນ-ຮູ່ງ ຕສຢັ້ງ ຈ໊ຽນ.

ວົ້ວ ຫຍູ່ງ, ບົວ ອ໋ອຍ ຕສຸ ຮນັ້ງ ຫາຍ ນໍ ກ໊ອງ? ບົວ ຖສໍ່ ອ໋ອຍ ຕສຸ ປ໌າມ ຈ໊ຽນ ຕສຸ໌ຍ ມີ່ງ ທິນ-ຮູ່ງ ຖສີງ ຕ້າຍ ໄຮ່ ເຖສີຍ ເອນ ທສ້ຳ ຈ໊ຽນ ຝາວ ໄຟ? ຕສູ໊ງ ໄມ້ ເຕສີ໌ຍ! ເອີຍ ໂຕສ໋ວ ຕສຸ໌ຍ ເຍີຍ ເຈົ໊າ ບົວ ຕສູ໊ງ ໄຕ່ ໝີ່ ອ໊ະ. ວົ້ວ ຫຍູ່ງ ບົວ ຮນັ້ງ ຫາຍ ນໍ ໄຮ່ ໂຕສ໋ວ ຈ໊ຽນ ຕສຸ໌ຍ ມີ່ງ?

ເມີ່ຍ ບົວ ໄມ້ ຮິ້ວ ຕຸ໊ ໄຟ? ເຊ ກ໊ອງ ຝູງ ກັ້ນ ໂຕສ໋ວ ຫາຍ ເຕົ້າ ເຍີຍ ໂນ່ວ, ໝວັງ ວົ້ວ ເຕົ້າ ເຍີຍ ຫວ່າ, ເມີ່ຍ ບົວ ຕສ່ຽວ ໂຕສ໋ວ ຕົ້ງ ເມີ່ຍ ບົວ ໝວັງ ວົ້ວ ເຕົ້າ ເຍີຍ ໂນ່ວ. ຮນັ້ງ ໜ່າຍ, ເມີ່ຍ ບົວ ໂຕສ໋ວ ຕສຸ໌ຍ ເຍີຍ ໂນ່ວ ຕສ່ຽວ ອ໋ອຍ ຕສຸ ໄຕ່. ມປ່າ ເມີ່ຍ ບົວ ໝວັງ ທິນ-ຮູ່ງ ຕສ່ຽວ ຕຸ໊ ເຖສົາ ນິ່ນ ຫອບ ໂຮຍ້ວ.

ແລ໌ງ ຕສີ້ງ ທິນ-ຮູ່ງ! ໄມ້ ກຸ໊ນ ຕສິ້ນ ດ່າງ ເມີ່ຍ ບົວ ໂຕສ໋ວ ຕສຸ໌ຍ ເຍີຍ ໂນ່ວ, ອີ້ ຕສັ່ນ ເມີ່ຍ ບົວ ຫລົ່ງ ເດສ່ງ ໂຮຍ້ວ ໝວັງ ອຈ໋າວ ປຸນ ເມີ່ຍ ບົວ ເຍີຍ ເລີ໌ຍ. ທິນ-ຮູ່ງ ປູ໋ງ ເມີ່ຍ ບົວ ເລີ່ຍ ດຸ໊ດ ຕສຸ໌ຍ ເຍີຍ ທຈະ, ໂຕສ໋ວ ຫອບ ເຍີຍ ເຈົ໊າ ຕສ່ຽວ ກຸ໊ນ ເມີ່ຍ ບົວ.