Popular Bible Verses from လံာ်တၢ်ကဲထီၣ်အခီၣ်ထံး 18

Share

မ့ၢ်တၢ်ကီကဲၣ်ဆိးလၢယွၤအဂီၢ်အိၣ်ဝဲတမံၤမံၤန့ၣ်ဧါ. ဒ်ယစံးတ့ၢ်လံအသိးစးထီၣ်ခဲအံၤဒီးဆူညါခွံလါန့ၣ်ယကဟဲ က့ၤဒီးနီၢ်စၤရါကအိၣ်ဒီးအဖိခွါတဂၤန့ၣ်လီၤ.

ဒီးနီၢ်စၤရါနံၤဒၣ်အတၢ်ဒီးစံးဝဲ, “ခဲအံၤယသးပှၢ်တ့ၢ် ဒီးယဂံၢ်ယဘါလၢာ်လံ. မ့ၢ်ယကအိၣ်ဒံးဒီးတၢ်ဖံးတၢ်ညၣ်အတၢ်မုာ်လၤစ့ၢ်ကီးဧါ. လၢန့ၣ်အမဲာ်ညါယဝၤစ့ၢ်ကီးအသးပှၢ်လံ.”

အစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်ဒီးအဂံၢ်ဆူၣ်ဘါဆူၣ်, ဒီးခီဖျိအီၤန့ၣ်ယကဆိၣ်ဂ့ၤပှၤကလုာ်ခဲလၢာ်လီၤ.

ဒီးစီၤအၤဘြၤဟၣ်သုးဘူးအသးဆူယွၤအအိၣ်ဒီးသံကွၢ်ဝဲ, “မ့ၢ်နကမၤဟးဂီၤကွံာ်ပှၤလၢအတၢ်ကမၣ်တအိၣ်ဃုာ်ဒီးပှၤလၢအတၢ် ကမၣ်အိၣ်န့ၣ်သပှၢ်တၢၢ်ဧါ. ပှၤလၢအတၢ်ကမၣ်တအိၣ်မ့ၢ်အိၣ်လၢဝ့ၢ်ပူၤအဂၤယဲၢ်ဆံန့ၣ်မ့ၢ် နကမၤဟးဂီၤကွံာ်ဝ့ၢ်ဒီဝ့ၢ်ညါဧါ. လၢတၢ်အုၣ်က့ၤခီၣ်က့ၤပှၤအဂၤယဲၢ်ဆံအဂီၢ်န့ၣ်မ့ၢ်နတပျဲပူၤ ဝ့ၢ်အံၤဘၣ်ဧါ.

ဒီးယွၤစံးဆၢအီၤ, “ယမ့ၢ်ထံၣ်န့ၢ်ပှၤလၢအတၢ်ကမၣ်တအိၣ်အဂၤ ယဲၢ်ဆံလၢဝ့ၢ်စဒိၣ်အပူၤန့ၣ်, ယကပျဲပူၤဝ့ၢ်ဒီဝ့ၢ်အံၤလၢအဝဲသ့ၣ်အဃိန့ၣ်လီၤ.”