Popular Bible Verses from လံာ်လူၤကၣ် 12

Share

ဒီးသုဝဲစ့ၢ်ကီးအိၣ်ကတဲာ်ကတီၤသုသးတက့ၢ်. အဂ့ၢ်ဒ်အံၤ, ပှၤကညီဖိခွါကဟဲဝဲဖဲအဆၢကတီၢ်လၢ သုတဆိကမိၣ်လၢအကဟဲဝဲဘၣ်န့ၣ်လီၤ.”

မ့မ့ၢ်ဃုထံၣ်န့ၢ်ယွၤအဘီအမုၢ်တက့ၢ်. ဒီးယွၤကဟ့ၣ်သုတၢ်သ့ၣ်တဖၣ်အံၤလီၤ.

ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”

အဂ့ၢ်ဒ်အံၤ, ဖဲသုတၢ်ထူးတၢ်တီၤအိၣ်ဝဲအလီၢ်န့ၣ်, သုသးကအိၣ်ဝဲဖဲန့ၣ်ထီဘိတဘိယူၢ်ဃီလီၤ.

မ့ၢ်မတၤလၢသုကျါလၢအဘၣ်ယိၣ်တၢ်အဃိ, ထုးထီထီၣ်အနံၣ်အလါသ့တဂၤန့ၣ်လဲၣ်.

တၢ်န့ၣ်ဝံၤအလီၢ်ခံ ယ့ၣ်ၡူးစံးဘၣ်အပျဲၢ်အဘီၣ်တဖၣ်, “လၢတၢ်တမံၤအံၤအဃိယစံးဘၣ်တဲဘၣ်သု, တဘၣ်ကိၢ်ဘၣ်ဂီၤဘၣ်လၢတၢ်အီၣ်လၢသုလိၣ်ဘၣ်လၢ သုကအိၣ်မူအဂီၢ်မ့ၢ်ဂ့ၤ, တၢ်ကူတၢ်သိးလၢသုလိၣ်ဘၣ်လၢသုနီၢ်ခိအဂီၢ်မ့ၢ်ဂ့ၤန့ၣ် တဂ့ၤ.

သုခိၣ်သူအဘိတဖၣ်ဒၣ်လဲာ်ဘၣ်တၢ်ဂံၢ်နီၣ်ဃာ်အီၤလီၤ. လၢတၢ်န့ၣ်အဃိ, တဘၣ်ပျံၤတၢ်တဂ့ၤ. သုလုၢ်သုပှ့ၤဒိၣ်န့ၢ်ထိၣ်ဖှံးဖိအါဘ့ၣ်တက့ၢ်လီၤ.

သိလၢအစှၤတဖုဧၢ, ပျံၤတၢ်တဂ့ၤ. အဂ့ၢ်ဒ်အံၤ, သုပၢ်ဘၣ်အသးလၢအကဟ့ၣ်သုဘီမုၢ်န့ၣ်လီၤ.

ကွၢ်စိးဝၣ်ဃးတဖၣ်တက့ၢ်. အဝဲသ့ၣ်တဖှံလီၤတၢ်ချံမ့ၢ်ဂ့ၤ, ကူးက့ၤတၢ်မ့ၢ်ဂ့ၤန့ၣ်ဘၣ်. အဝဲသ့ၣ်အဒၢးလၢအကပာ်ဖှိၣ်တၢ်မ့ၢ်ဂ့ၤ, ဘုဖီမ့ၢ်ဂ့ၤတအိၣ်ဘၣ်. ကစၢ်ယွၤလုၢ်အီၣ်လုၢ်အီအဝဲသ့ၣ်လီၤ. သုလုၢ်သုပှ့ၤဒိၣ်န့ၢ်ဒံးထိၣ်တဖၣ်တက့ၢ်လီၤ.

လၢတၢ်န့ၣ်အဃိ, တဘၣ်ဘၣ်ယိၣ်ဘၣ်ဘီဒီးသူၣ်ကိၢ်သးဂီၤထီဘိ ဘၣ်ဃးဒီးတၢ်လၢသုကအီၣ်ဘၣ်တၢ်လၢသုကအီဘၣ်အဂ့ၢ်န့ၣ်တဂ့ၤ.

ပှၤလၢအဒုးကူဒုးသိးနီၣ်ဧိၤမံၤဧိၤတဖၣ်, လၢမုၢ်မဆါတနံၤအံၤအိၣ်ဖဲအံၤ, မ့မ့ၢ်ခဲမုၢ်ဆ့ၣ်ဘၣ်တၢ်ဒွဲၣ်အူကွံာ်အီၤလၢဖၣ်ကပူၤန့ၣ်, မ့ၢ်ဝဲကစၢ်ယွၤလီၤ. အဝဲကဒုးကူဒုးသိးသုလီၤတံၢ်ဒိၣ်ဒံးတက့ၢ်တမ့ၢ်ဘၣ်ဧါ. သုတၢ်စူၢ်တၢ်နာ်ဆံးစှၤမးလဲၣ်.

တၢ်တမံၤလၢ်လၢ်လၢအဘၣ်တၢ်ကးဘၢဃာ်အီၤန့ၣ်, ကဘၣ်တၢ်အိးဖျါထီၣ်အီၤ, ဒီးကယဲၢ်တၢ်ခူသူၣ်တမံၤလၢ်လၢ်န့ၣ်, ကဘၣ်တၢ်မၤဖျါထီၣ်အီၤလီၤ.