Popular Bible Verses from လံာ်လူၤကၣ် 6

Share

ဟ့ၣ်တၢ်လၢပှၤဂၤတက့ၢ်. ဒီးကစၢ်ယွၤကဟ့ၣ်တၢ်လၢသုလီၤ. သပှၢ်ကတၢၢ် သုကဒိးန့ၢ်ဘၣ်တၢ်လၢအဘၣ်တၢ်ဃီၣ်အီၤ ပှဲၤထီၣ်ပှဲၤထီဒီးတၢ်ကဟ့ၣ်လီၤသုတၢ်အါအါဂီၢ်ဂီၢ်ဒီး ကလူလီၤအီၤလၢသုစုပူၤထဲသိးသုဟံးဃာ်အီၤသ့ဝဲန့ၣ်လီၤ. အဂ့ၢ်ဒ်အံၤ, ကစၢ်ယွၤကဃီၣ်ဟ့ၣ်တၢ်လၢသုပှဲၤသိးသိး သုဃီၣ်ဟ့ၣ်တၢ်လၢပှၤဂၤန့ၣ်လီၤ.”

ပှၤဂ့ၤပှၤဝါတဂၤန့ၣ်, ထုးထီၣ်တၢ်အဂ့ၤအဝါလၢတၢ်ဂ့ၤတၢ်ဝါ တဖၣ်အိၣ်ပာ်ဖှိၣ်အသးအလီၢ်, လၢအသးပူၤလီၤ. ပှၤအၢပှၤသီတဂၤန့ၣ်, ထုးထီၣ်တၢ်အၢတၢ်သီလၢအဝဲအတၢ်ပာ်ဖှိၣ်ဃာ်တၢ်အၢတၢ်သီတဖၣ် အလီၢ်အပူၤလီၤ. အဂ့ၢ်ဒ်အံၤ, ပှၤကညီတဂၤအထးခိၣ်ကတိၤတၢ်ဒ် တၢ်လၢအအိၣ်ပှဲၤဝဲလၢအသးပူၤအသိးန့ၣ်လီၤ.

တဘၣ်မ့ၢ်ဒ်န့ၣ်ဘၣ်. အဲၣ်သုဒုၣ်သုဒါတဖၣ်ဒီးမၤဂ့ၤအဝဲသ့ၣ်တက့ၢ်. ဟ့ၣ်လိၢ်တၢ်, ဒီးမုၢ်လၢ်က့ၤတၢ်နီတမံၤတဂ့ၤ. သုကဒိးန့ၢ်ဘၣ်ခိၣ်ဖးလၢအဒိၣ်, ဒီးသုကမ့ၢ်တၢ်ထီကတၢၢ်ကစၢ်ယွၤတဂၤအဖိခွါတဖၣ်လီၤ. အဂ့ၢ်ဒ်အံၤ, အဝဲဒၣ်ဂ့ၤလၢပှၤတသ့ၣ်ညါတၢ်ဘျုးတၢ်ဖှိၣ်, ဒီးပှၤအၢပှၤသီတဖၣ် အဖီခိၣ်လီၤ.

အိၣ်ဒီးတၢ်သးကညီၤ, ဒ်သုပၢ်သးကညီၤတၢ်အသိးတက့ၢ်.

“စံၣ်ညီၣ်ပှၤဂၤတဂ့ၤ, ဒီးကစၢ်ယွၤတစံၣ်ညီၣ်သုဘၣ်. စံၣ်ညီၣ်ဃၣ်ပှၤဂၤတဂ့ၤ, ဒီးကစၢ်ယွၤတစံၣ်ညီၣ်ဃၣ်သုဘၣ်. ပျၢ်ကွံာ်ပှၤဂၤအတၢ်ကမၣ်တက့ၢ်, ဒီးကစၢ်ယွၤကပျၢ်ကွံာ်သုတၢ်ကမၣ်လီၤ.

မ့မ့ၢ်, ယစံးဘၣ်တဲဘၣ်သုဝဲလၢအနၢ်ဟူဘၣ်ယတၢ်ကတိၤတဖၣ်, အဲၣ်သုဒုၣ်သုဒါတဖၣ်တက့ၢ်. မၤဂ့ၤပှၤလၢအသးဟ့သုတဖၣ်တက့ၢ်. ဆိၣ်ဂ့ၤပှၤသ့ၣ်တဖၣ်လၢအဆိၣ်အၢသု, ဒီးဃ့ဘါထုကဖၣ်တၢ်လၢ ပှၤမၤအၢမၤသီသုတဖၣ်အဂီၢ်တက့ၢ်.

တၢ်တမံၤဃီလၢသုဆၢလၢပှၤဂၤကမၤဝဲလၢသုဂီၢ်န့ၣ်, မၤအီၤလၢအဂီၢ်တက့ၢ်.

ပှၤတဂၤဂၤမ့ၢ်ဒဲနဘိးပၤတခီန့ၣ်, ပျဲအဒဲနဘိးပၤအဂၤတခီစ့ၢ်ကီးတက့ၢ်. ပှၤတဂၤမ့ၢ်ဟံးန့ၢ်နဆ့ကၤဖီခိၣ်န့ၣ်, ပျဲအဟံးန့ၢ်နဆ့ကၤစ့ၢ်ကီးတက့ၢ်. ပှၤကိးဂၤဒဲးလၢအဃ့နတၢ်တမံၤမံၤန့ၣ်, ဟ့ၣ်အီၤတက့ၢ်. ဒီးဖဲပှၤတဂၤဟံးန့ၢ်တၢ်တမံၤမံၤလၢအမ့ၢ်နတၢ်န့ၣ်, တဘၣ်ဃ့က့ၤအီၤတဂ့ၤ.

“သ့ၣ်လၢအဂ့ၤတထူၣ်န့ၣ်တသၣ်ထီၣ်တၤသၣ်လၢအတဂ့ၤဘၣ်, ဒီးသ့ၣ်လၢအတဂ့ၤတထူၣ်န့ၣ်တသၣ်ထီၣ်တၤသၣ်လၢအဂ့ၤစ့ၢ်ကီးဘၣ်.

သ့ၣ်ကိးထူၣ်ဒဲးဘၣ်တၢ်သ့ၣ်ညါအီၤခီဖျိတၤသၣ်လၢအသၣ်ထီၣ်ဝဲန့ၣ်လီၤ. ပှၤတဒဲးချၢၣ်ဒၢသၣ်လၢတၤဆှုၣ် အမုၢ်အဘိတဖၣ်အလိၤဒီး ပှၤတဒဲးစပံးသၣ်လၢတၤဆှုၣ်တပှီာ်အလိၤဘၣ်.