Popular Bible Verses from လံာ်မၢ်ကူး 6

Share

ပှၤဟဲထီၣ်က့ၤလီၤတဖၣ်အိၣ်အါအါဂီၢ်ဂီၢ်တုၤဒၣ်လဲာ်ယ့ၣ်ၡူး ဒီးအပျဲၢ်အဘီၣ်တဖၣ်ကအီၣ်ကအီတၢ်အဆၢကတီၢ်တအိၣ်ဘၣ် အဃိ, ယ့ၣ်ၡူးစံးဘၣ်အပျဲၢ်အဘီၣ်တဖၣ်, “မ်ပကလဲၤသကိးထဲပဝဲဒၣ်တဖၣ်ဧိၤဆူတၢ်လီၢ်တပူၤလၢပှၤ တအိၣ်နီတဂၤဘၣ်, လၢသုကအိၣ်ဘှံးအိၣ်သါတစိၢ်တလီၢ်အဂီၢ်တက့ၢ်.”

ယ့ၣ်ၡူးစံးဘၣ်အဝဲသ့ၣ်, “တၢ်လၢဝံတဖၣ်န့ၣ်မ့တမ့ၢ်ဘၣ်လၢအကီၢ်ဒၣ်ဝဲအပူၤ, လၢအဘူးအတံၢ်ဒီးအဒူၣ်ဖိထၢဖိအကျါဘၣ်ဒီး, ဘၣ်တၢ်ယူးယီၣ်ပာ်ကဲအီၤလၢတၢ်လီၢ်အဂုၤအဂၤကိးပူၤဒဲးန့ၣ် လီၤ.”

တုၤယ့ၣ်ၡူးစံၣ်လီၤလၢချံပူၤဝံၤဒီးထံၣ်ဘၣ်ပှၤဂီၢ်မုၢ်ဖး ဒိၣ်အံၤန့ၣ်သးကညီၤဘၣ်အဝဲသ့ၣ်, မ့ၢ်လၢအဝဲသ့ၣ်လီၤဂာ်ဒီးသိတဖုလၢပှၤကွၢ်အီၤတအိၣ်ဘၣ် အသိးအဃိန့ၣ်လီၤ. လၢတၢ်န့ၣ်အဃိ, အဝဲစးထီၣ်သိၣ်လီၤသီလီၤအဝဲသ့ၣ်လၢတၢ်မၤလိအါထံၣ်အါဘီလီၤ.

မ့တမ့ၢ်ဘၣ်လၢအပာ်ထီၣ်အစုလၢပှၤဆူးပှၤဆါစှၤဂၤအလိၤ ဒီးမၤဘျါက့ၤအီၤဘၣ်ဒီး, အဝဲဒၣ်မၤတၢ်လီၤလးဖဲတၢ်လီၢ်န့ၣ်တသ့နီတမံၤဘၣ်. ဒီးကမၢကမၣ်ဝဲဒိၣ်မးလၢပှၤသ့ၣ်တဖၣ်အတၢ်နာ်အီၤတအိၣ်ဘၣ်အဃိ လီၤ. ယ့ၣ်ၡူးဟးဝ့ၤဝီၤလၢသဝီအိၣ်ဘူးအိၣ်တံၢ်တဖၣ်အပူၤဒီးသိၣ် လီၤသီလီၤတၢ်လီၤ.

အန့ၣ်ဝံၤယ့ၣ်ၡူးဟံးထီၣ်ကိၣ်ယဲၢ်ဖျၢၣ်ဒီးညၣ်ခံဘ့ၣ်န့ၣ်, ကွၢ်ထီၣ်တၢ်ဆူမူခိၣ်ဒီးစံးထီၣ်ပတြၢၤကစၢ်ယွၤအဘျုး အဖှိၣ်လီၤ. အဝဲဒၣ်စိၢ်ဘျဲးကိၣ်ဝံၤဟ့ၣ်လီၤဝဲအပျဲၢ်အဘီၣ်တဖၣ် လၢအကဟ့ၣ်နီၤလီၤပှၤဂီၢ်မုၢ်တဖၣ်အဂီၢ်လီၤ. ဟ့ၣ်နီၤလီၤစ့ၢ်ကီးဝဲညၣ်ခံဘ့ၣ်န့ၣ်လၢပှၤခဲလၢာ်အဂီၢ်လီၤ. ပှၤကိးဂၤအီၣ်ဘၣ်ဝဲတုၤအဘျဲးအီၣ်ဘျဲးအီဝဲလီၤ. အန့ၣ်ဝံၤအပျဲၢ်အဘီၣ်တဖၣ်ပာ်ဖှိၣ်က့ၤကိၣ်ဒီးညၣ်အိၣ်ဘျဲၣ်အိၣ် စဲၢ်တဖၣ်ပှဲၤကုတဆံခံဒုလီၤ.