Popular Bible Verses from लूका 12

Share

छलेन क्‍हेमैं या न्ह क्रों मि क्रोंले टिद्, तलेबिस्याँ क्‍हेमैंए सैंरै आमैंबै त्‍हेर म्हिए च्ह एयुब्‍मुँ।”

बरु ओंसों परमेश्‍वरए ग्याल्स म्‍हैद्‌। झाइले खीजी चु ताँन् सैमैं क्‍हेमैंलाइ पिंब्‍मुँ।

खीजी धबै चर मुँब्मैंने बिइ, “छेनाले मैंन्, नना ओलिबै लोब् आलद्, तलेबिस्याँ म्‍हि कति प्‍ल्हो‍ब तनाबिलेया सै न्होरउँइँले क्‍ह्रोंसेंन्‍बै छ्ह योंल् आखाँ।”

तलेबिस्याँ क्‍हेमैंए सै न्होर मुँबै क्ल्ह्‍योर्न क्‍हेमैंए सैं तब्‍मुँ।

क्‍हेमैंए न्होंरि खाबइ न्हुँ लसि ह्रोंसए आयु च्‍हौदे या थप्दिल् खाँम्‍मा?

येशूजी ह्रोंसए चेलामैंने बिइ, “छतसि ङ क्‍हेमैंने बिमुँ, सोबै ल्हागिर ‘ङ तो चब् ङ्‍हे? तो थुँब् ङ्‍हे? धै ज्युए ल्हागिर तो खिब् ङ्‍हे?’ बिसि न्हुँ आलद्।

झन् क्हेमैंलम् क्रप्हो या घ्रि घ्रिले परमेश्‍वरजी च्योइ थेंइमुँ। छतसि तिफुँइ आङ्हिंन्, परमेश्‍वरए उँइँर ल्‍हें कोर्में भन्दा क्‍हेमैं सै ल्हें फेब मुँ।

ओ ङए च्‍युगुथिरि बगाल, आङ्हिंन्। तलेबिस्याँ क्हेमैंए परमेश्‍वर आबाजी ह्रोंसए ग्याल्स क्हेमैंलाइ पिंबर सैं तोंइमुँ।

“कगामैं ङ्‌ह्‍योत्ति! चमैंइ खेति आल्‍हैदि, रो या आखु, चमैंल भकारि आरे, धनसारमैं या आरे। दिलेया परमेश्‍वरजी चमैंलाइ चल् पिंरिइमुँ। छाबै नमेंमैं भन्दा क्‍हेमैं झन् बेल्‍ले थेब मुँ।

“छतसि तो चब, तो थुँब बिसि क्हेमैं म्हैइ आप्रद्, धै न्हुँ या आलद्।

चु टमैं तिंयाँ प्‍हारसि प्‍हँन्हाँग कारयासि म्हिमैंइ मिर ख्रोंवाम्। छ तनाबिलेया परमेश्‍वरजी च्‍हौ छेन्‍ले पैरेमिंइमुँ बिस्याँ झन् क्‍हेमैंलाइमि बेल्‍ले छेनाले पैरेमिंब्मुँ।

तलेबिस्याँ तोगो क्‍हेमैंइ तो सै हुथेंलेया लिउँइँ ताँन् म्हिमैंइ म्रोंब्‍मुँ। झाइले तो ताँ लोथेंबै लिउँइँ ताँन् म्हिमैंइ सेब्‍मुँ।