Popular Bible Verses from JOHN 16

Share

Note in keima sungah lungnopna na nei thei nadingun na kung vua tami thu kang gen ahi hi. Note in leitungah gimna na thuoh ding uhi. Ahi vangin kihangsansah un; keima in leitung ka zozo hi!” a ci hi.

Thuman Hlagau Siengtho ang tun ciengin ama in thuman zosie-ah ang pui ding hi; azieh pen ama’ thu ang gen ding hi loin, a thu zah popo ang gen ding hizaw a, na kung vuah ang tung ding nate ang gen ding ahi hi.

Ka min tawh tu dongin bangma na ngen nai sih uhi. Na lungdamna uh a bukim thei nadingin ngen un, na nga ding uhi.

Ahi vangin thuman thutah kang gen hi: Kei pei leng no adingin a hoizaw hi, azieh pen kei pei sih leng na kung vuah Hupa ang pei sih ding hi; kei ka pei leh na kung vuah ama kang sawl ding hi. Ama ang tun ciengin leitung mite’ mawna, dihna le thukhennate kawhin leitung mite’ khielna teltahin ang lah ding hi.

Tuaci’n note in tu-in gimna na thuoh uhi; hizongle keima in note kang mukia ding a, na kipah ding uhi, note kung panin koima in na kipahna uh ang lahpieh thei sih ding hi. Tua ni ciengin note in bangma nei dong ta sih ding uhi. A tahtah a kang ci-in, keima’ min suongin Pa kunga na nget popo uh ama in ang pie ding hi.

A tahtah a kang ci-in, note kapin na mau ding vua, ahi vangin leitung mite a lungdam ding hi; note na da ding vua, ahi vangin na danate uh lungdamna a suoh ding hi.