Popular Bible Verses from लूका 8

Share

फरी नो गमस्‍याल परिउ आव ज़, जोए परमेस्‍वरए ओपाँ थैद जात्त ज़ माऱास्‍द चाव साचो युँस दोज़्‍याव, नो परमेस्‍वरए ओपाँत थ॰रिद ओसै झाःज़्याव चाव धुर स्‍यासो ज़ ताज़्‍या।”

फरी नो ज़ुर ऱमराए खार्लाव परिउ आव ज़, जोए थैन्‍या ते थैज़्‍याव, खाली नोए ‘आव ङाजिउत कै तान्‍या ओताव, कातानी कोसै जैद थाँतस लिन्‍या?’ लिद व़ीनी फुइ उलिज़्‍यावए नो परमेस्‍वरए ओपाँत ओसै माझाःज़्याव ताज़्‍या।

फरी नो ओदादरताव परिउ आव ज़, जोए परमेस्‍वरए ओपाँ ओथैव प़ाइँना रेंद ज़ भैंःज़्‍या। खाली ओजरा माल्‍यो मिताव ओतावए नो पाँत जाँवा पै बाद कातारानी दुखर खिरीर उपसिकिन ह्‍वाँ हों ऱास्‍ज़्‍याव।

हाःत ज़ उसिसरालाई, “खैकी जेयुँ उहुबो?” है ओरादोक ते, नोर छे·द अचम्‍ब ताद या याल, “आव किताव मिँ ओताव? बतासर ऱीराए ब ओपाँ यादोज़्‍याव,” है लिकेर।

नो येमलाव परिउ धुर आव ज़, जोए परमेस्‍वरए ओपाँ ओथैक सैतान हुद ‘आव ते परमेस्‍वरए ल्‍योदा बाद अजम्‍बरी जुनी दैवा’ लिद उयुँलाव पसिउ पाँ ब स्‍याप सिप जैद लाँदिज़्‍याव।

हिताव ज़ मारैंःव भरी तछा रैंःन्‍या ज़ ले, कप्‍सिउ भरी ब फैसिद पलाँवल तान्‍या ले।

हाःत ज़ नो मेंमाए ‘ङा ङामाम़ोंसिधुके ब’ लिद ओछ्याचेए गूद येसुए उखँत फुलुप्‍सिद प़ाइँराए ङ़ाक येसुलाई, “ङा सुए ज़ यामासगराँनाधुज़्‍याव बेथाए उजूँनी ज़ ङाछाप्‍निउ। ङाछाप्‍निउ प़ाइँना ज़ ङागराँके,” है ओदोक ते, येसुए, “अ माँज़ा, ङालाई नयुँ नसुहुबोनी ज़ नगराँके। चावस बानी,” है दोक्‍यो।

उसिसराए येसुलाई सोचोइद, “गुर्बा, गुर्बा, खदम ज़ गेतारिके,” है यादोक ते, येसु सोद बतास स़ोनो ऱीनिलाई निसिङार्क्‍यो। हो प़ाइँना ज़ बतास ब थकनिके, ऱी ब अदिके।