Popular Bible Verses from Jăng 14

Share

Kơu luơi pơnuaĭ rĭng-lơngai wơ̆ tơ buơl guhã. Kơu brơi pơnuaĭ rĭng-lơngai Kơu tơ buơl guhã. Pơnuaĭ rĭng-lơngai Kơu brơi tơ buơl guhã 'buh iơŭ yơu dun-ya brơi. Hơtai-hơtiàn buơl guhã juơi sơnư̆ng kơ-ù sơ̆ng juơi huơĭ kơđa.

Yàng Jêsu đờm: “Kơu la jơlàn nau, pơnuaĭ-tơpă sơ̆ng pơnuaĭ hơdiŭ. 'Buh kơyoa Kơu nư̆n 'buh aràng sơi hũ truh sơ̆ng Ama.

“Hơtai-hơtiàn buơl guhã juơi sơnư̆ng kơ-ù. Păng-tui bĕ Yàng Pô Lơngì, sơ̆ng kŭng păng-tui Kơu rơi.

Bloh Pô Pơluơ-Pơrơngài, nư̆n la Yàng Bơngă Sơc̆ih-Sri, bloh Ama rơŭ mă angăn Kơu pơđăr truh, Pô nư̆n rơŭ pơto-pơsài buơl guhã tơgrơ̆ pơnuaĭ. Pô rơŭ ngă tơ buơl guhã sơdơ̆r wơ̆ abih tơgrơ̆ pơnuaĭ Kơu hũ đờm sơ̆ng buơl guhã.

Aràng sơi hũ du pơnuaĭ adăt-pơđăr Kơu sơ̆ng păng-rơmiă, nư̆n la mơnih uơ̆n-rơnăm Kơu; mơnih lơi uơ̆n-rơnăm Kơu rơŭ hũ Ama Kơu uơ̆n-rơnăm, Kơu kŭng rơŭ uơ̆n-rơnăm mơnih nư̆n, sơ̆ng ràng-tơbiă rùp-phŭn Kơu tơ mơnih nư̆n.”

Kơu rơŭ yòng-lơkơu Ama, Pô rơŭ brơi tơ buơl guhã sa Pô Pơluơ-Pơrơngài pơkơ̆n, tô dò sơ̆ng buơl guhã rài pơdò rài, nư̆n la Bơngă Sơc̆ih-Sri, Pô ràng-tơbiă pơnuaĭ-tơpă mư̆ng Yàng Pô Lơngì, bloh dun-ya 'buh rơgơi đồ-mă jiơ̆ng, kơyoa dun-ya 'bu 'buh sơ̆ng 'buh thơu Pô. Bloh buơl guhã thơu Pô, kơyoa Pô sơđaŭ dò sơ̆ng buơl guhã, sơ̆ng rơŭ dò lăm buơl guhã.

Abih tơgrơ̆ pơnuaĭ hơgĕ buơl guhã mă angăn Kơu bloh yòng, nư̆n Kơu rơŭ ngă, tô Ama hũ mơyòm-pơglòng anih Anà. Yah buơl guhã mă angăn Kơu bloh lơkơu-yòng pơnuaĭ hơgĕ, nư̆n Kơu rơŭ ngă.”

“Yah buơl guhã uơ̆n-rơnăm Kơu, nư̆n rơŭ păng-rơmiă du pơnuaĭ adăt-pơđăr Kơu.

Lăm sàng Ama Kơu hũ lô anih dò; yah 'buh iơŭ yơu nư̆n, kơđa hơgĕ Kơu đờm sơ̆ng buơl guhã, Kơu nau tô rơc̆ăng tơ buơl guhã sa anih?

Tŭ Kơu nau sơ̆ng hũ rơc̆ăng anih tơ buơl guhã, nư̆n Kơu rơŭ gài wơ̆ ba buơl guhã nau sơ̆ng Kơu, tô Kơu dò anih lơi, buơl guhã kŭng dò anih nư̆n.

Thôma đờm sơ̆ng Yàng Jêsu: “Ơ Yàng, buơl dơlhă 'buh thơu Yàng nau anih lơi, ngă hơyơu thơu jơlàn jiơ̆ng?”