Popular Bible Verses from Luk'a 11

Share

Metərluğen, əgər və̌n pis baksun-baksun ef əyloğo şaat' şeymux tades bananksasa, göynul bakala Bavan İçuxun çureğalt'oğo Ǐvel Uruf tene tadon ki?»

Şot'o görəl və̌x nexzu: çurekinan - və̌x tadeğale, qə̌vekinan - bə̌ğə̌balnan, ç̌omo t'apanan - və̌ynak'al qayeğale.

Şot'aynak' ki, hər çureğalt'in haq'ale, hər qə̌veğalt'in bə̌ğə̌bale, hər ç̌omo t'ap'k'alt'aynak'al ç̌omo qayeğale.

İsusen şot'oğo pine: «Afırık'at'an metər upanan: Ay göynul bakala beş Bava, Vi s'i ǐvelq'an baki, Vi padçağluğq'an hari. Göynul bakala k'inək' Oç̌alal Vi əyitq'an baki.

Yax borclu bakala amdarxo yan bağışlayinşala k'inək' Hunal beş günaxxo bağışlayinşa. Yax sinəyinşmaba, Ama yax şərəxun çark'est'a».

Beşi ğiluğ šuma yax hər ği tada.

Amdara işiğlu balo isə izi pule. Əgər vi pul sağlam bakayin, dirist' vi bədənəl işiğlu bakale. Ama piin zəif ak'ayin, bədənəl bayinq'une bakon.

Şuk'k'alen şama bəc'ük't'i şot'o c'əp'k'in gala, nəəl ki q'ave oq'a latenexo. Ama şama çiraği q'ave boşe laxon ki, bona bağalt'oğon işiğa ak'at'un.