Popular Bible Verses from John 1

Share

Kii istsíkiiksi omáátsstsimimmókaatsaiksi. Otóʼtookaiksi. Otsí ímaiʼtookaiksi. Kii amóksi áómaiʼtakiiksi ánnikskayi itohkótsiiwaiksi mááhkanistapssaiksi Áʼpistotookiwa ókoʼsikska.

Óóki. Isskóóhtsika itsáomaʼpaistotoahpi ksááhkomma ííkayissitsstsiiwa annáahkayi i iihtóʼtsstsiiwa áámo iihkanáʼpaisiiyi. Ánnahkaoʼka annaahka Jesus Christ. Itohpókaʼpaitapiimiwa anniska Áʼpistotookiiyiska. Ki noohkáttamiwa Áʼpistotooki.

Ki amohka ksistsikóínattsiiyihka itápsstsiiwa amííksiska itáʼpawaawahkaaiksi isskííʼnattsi. Ki amohka isskííʼnattsiyihka mátáónoaoʼtsitsksskonataʼpssatoomaatsi ksistsikóínattsi. Ki ánnihkayii mátakónoawááhtsaakaʼsiwa amiia ksistsikóínattsiiyi.

Óóki. Annááhka iihtóʼtsstsiiwa áámo iihkanáʼpaisi, ánnaahkaoʼka annaahka Jesus Christ, itsitápiiwaʼsiwa. Kii niistónnaani itsináʼpaissiiwa. Áíssksawanisttotsima manistsíkisttoakkihpi mááhkiitaʼpipoohsapikimmapiipitssi. Niistónnaan nitsinóannaana manístsspsspi. Iihtsístapsspssiwa ónni otsspssáyi manistsíʼtohkoyimmíyihpi ónni Áʼpistotookiiyi.

Kanáʼpaisi iihtsístapitsstsiiwa ostóyi. Mátoohkitsstsiihpa ááhksaohtsistapitsstsii ostóyi, imakíʼtokska. Iihtsístapitsstsiiwa áíssksipaitapiʼssini ostóyi. Ki amííksiska iihkotáíksi amohka niipáítapiʼssinihka ákohkottohtsistapohtaʼpawaawahkaayaawa ksistsikóínattsii.

Óóki. Ánnia mattsiksístsikoyi John itsinóyiiwa Jesus otóʼtoohsi. Sotámaniiwa, “Óómayaoʼka Áʼpistotookiwa anniska otsítsipoʼtoayiska mááhkitotoisapssi omiiksiska íímahkihkinaaikska iʼnitáíkska ááhkikkitsstsaahsi. Ákohtsitssiinomoawa ótapiʼssini opahtsáʼpssini.

ostóyi itóʼtoowa annóo ksááhkomma. Ki annóksi istsitapííksi annóo ksááhkomma mátssksinoyiiwaiksaawayi kííwa ostóyi ánnayii ómohtsistapitaisstsiihpi ksáahkommi. Itsitóʼtoowa otsítsitapiihpi ki otáwattsitapiimiksi, amiiksi Jews, otsítsstsimimmokaiksi.

Amaahka niitáʼpamiiwahka i ihkanáohkokkiwahk ááhkitaʼpawaawahkaaoʼsi ksiistsikóínattsi

Isskóóhtsik Áʼpistotookiwa iihtohkóíkiiwa Moses mááhkohtohkokkssi natowókakihtsimaani. Kii ánnohka Áʼpistotookiwa iihtohkóíkiiwa Jesus Christ mááhkanisttotsissi manistsíksisttoakkihpi mááhksipoohsapikimmapiissi.