Popular Bible Verses from John 6

Share

Jesus itanístsiiwaiksi “Niistóahkaoʼka amoohka napayínihka. Matápiiksi ákohtoʼtsiitaaksipaitapiiyaawa. Kanáóhpoʼkiisapooyiksi niistóyi ákomiiksistsawattsisttsoʼkiniiyaawa ki nítohkanaomaiʼtookiiksi mátakonoaiʼnakiwaiksa.

Natowóttaka ánnahkayii ákohkottohkokkiwa manipáítapiʼssini. Omáa kátaohkotawa manipáítapiʼssini opáítapiʼssini mátohpanioʼpaatsi. Natowóttaka iihtáyissitapiiwa nitsíʼpoahsistsi, áámostska kitáwaanistohpoaawaistska. Áámostska nitsíʼpoahsistska ánnistskayi iihtáóhkotsiiwa matápiiyi manipáítapiʼssini.

Kómohtaiyikaʼkimaahpoaawa kááhkattohkóyissoaayi. Annííhka aáoahsinihka amohka kitáíksimsstatoohpoaayihka mátaksisamaisstsiiwaatsi. Ki itsstsííhpa ákáíssksitaisstsiʼpa. Itotóísapiwa ánni aáowahsi. Ákohtoʼtaissksipaitapiioʼpa. Ánnihkayi kitákohkottohtsiiyikaʼkimaahpoaawa. Níístoakaoʼka annaahka Matápiiwahka. Kitákohkottohkotohpoaawa amoohka ákohtoʼtaissksipaitapiioʼpihka. Ki nínna Áʼpistotookiwa kikáwaistamatsookoaawa nitáʼpaoʼtomoahsi.”

Takaa niitsitsííhtaawa nínna Áʼpistotookiwa amííksiska táónookiiksi támssi anniska ohkóyi ikkamómaiʼtootsiinikiaawa ákitoʼtsimiaawa áíssksipaitapiiʼssini. Ki nitákohkanaissksipoáaáttsaayaawa aáoʼtsstsiisi sakóóyiksistsikoyi.”

Jesus itanístsiiwaiksi, “Kitáísstakkoaawa Áʼpistotookiwa kááhkomaiʼtookssoaayi niistóyi otóʼtsskoaayi.”

Nínna nitákohkokka tókskammiksi matápiiksi kii akohkanaomatapomaiʼtakiiyaawa. Ki omáa matápiiwa ikkamómatapomaiʼtakisi nimátaksstsimimmáwaatsiksi.

Otsítanikka amíi Simon Peter, “Nitsínaaimi. Mátsitsstsiihpa noohkítssimmi nááhkomaiʼtoannaani. Kiistówa kiníʼtsitapiiyi áísksipaitapiiʼssini iihtóʼtsstsiiwa kitánissini.

Niistóahkaoʼka amoohka napayínihka manipáítapiʼssini ómohtoʼtsstsiihpihka. Iihtohkánaoyiiksi áksawonoaissiksipaitapiiyaawa. Ki áámohk nómohtaiʼpoyihpihka napayíínihka tanistápawaani noostómi. Nitákohtsiistapihkahtoohpa nostómi annóksi matápiiksi annóo ksááhkomma mááhkohtsipaitapiiʼssaawa.”

Kimátakohkottomaiʼtookihpoaawa ikkámsawanistaiksimstattsiinoainiki nínna kááhkomaiʼtakssoaayi. Ki omííksi táómaiʼtookiksi nitákssksipoáaáttsaayaawa aáoʼtsstsiisi sakóóyiksistsikoyi.

Anniihka napayínihka, Áʼpistotookiwa otomátskahtakssinihka ánnihkayii anniihka iihtsínniihkahtoophihka isspóóhtsi. Ótapiʼssini iihtohkótawayi mááhkitaissksipaitapiiʼssi.”

Nistóahkaoʼka amoohka napayínihk matápiiksi mááhkohtsipaitapiiʼssaawa.

Óóki. Jesus áóʼtsim omiistsi kíítaanistsi. Iihtatsímoihkaawaistsi. Sotámohtániitsiisoyiiwa omííksi náópiiksi. Kii níʼtoyi máttohtanistsiisoyiiwaiksi omííksi mamííksi. Kii omííksi matápiiksi sotámokoyiiyaawa. Óóki. Otáóhkanaisskaoʼkoyssaawa Jesus itanístsiiwa ománikapiimiksi, “Óóki. Stámsiikoʼtsika otohksóahsoaawaistsi. Pinohtsítohksisstakik.”

Óóki. Ákaanistáípiaahkiohsiiyaawa ááhkáyokskaaʼsi kiáyaa ááhkaisáaaʼsi. Ki itomátapoowa annaahka Jesus iihtsáótatsaawaawahkaawa aohkííyi. Áítamaakitoʼtoowaiksi. Sotáminoyiiyaawayi. Iihtsskííʼtsaayaawa. Ki Jesus itanístsiiwaiksi, “Niisto ánnaoʼka. Pinikóʼpooka.”