Popular Bible Verses from John 8

Share

Óóki. Ki ánnika omáa Jesus, ki máttáisitsipssatsiiwa omíi ótapiiʼsini. Áániiwa, “Niistówa ánnahkaoʼka iihkotsííwa matápiiyi mááhkitaʼpawaawahkaaniaiks ksistsikóínattsi. Omáa matápiwa ikkámohtaisapoosi niistóyi ákitsaitaʼpawaawahkaawa isskíinattsi. Ákaissksitsipaitapiiwa ksisstikóinattsi. Ánni iihtóʼtsstsiiwa niipáítapiʼssini.”

Ki kitákitookámoʼtssksiniihpoaawa amánissini manistsííhpi. Ki omííhka kitsííkamoʼtssksiniihpoaawayihka kitákohtsiksisstoipoʼtootspoaawa.”

Óóki. Ki ánnika omáa Jesus máttáísitsipssatsiiwa omiiksi otsíímaiʼtookiksi Jews. Áánistsiiwáíksi “Ikkamíítaʼpomaiʼtookiinoainiki, kitákitanisttotsiihpoaawa nitáániihpi.

Kitákohkottsiksisstoipoʼtoohpoaawa, kááhkstattanistssoaayi. Takaa nínna nítohkoyímmoka. Amáa áísskohtaʼpoʼtakiattsaawa matákaisksohpokaʼpaissiimiiwaatsiksi amíi otánikapiimakki otsitapíímiksi. Otánikapiimakki ohkóayi ákaisksitaʼpaitapiiyinai. Niistóakaoʼka Áʼpistotookiwa ohkóyi. Ánnihkayi nómohtanii niistówa ikkamíksisstoipoʼtoinoainiki kitákitsiitaʼpiksisstoipoʼtootspoaawa. Kimátakattanistapsspoaawa ánni annííksiska áísskohtaʼpoʼtakiáttsaaiksi.

Kii osótamomaanistawaanikkaiksi “Tsáa kitáakaniihpa?” Ki Jesus itssksípoipoyiwa, itanístsiiwaiksi, “Ki ikkamítsspiihtsiihki kiistóaawa kátaoʼmaikakokaʼpipaitapiiyi ánnayii ákohkottotoomohtawayakiiwayi óóhkotooki.”

Jesus itanístsiiwaiksi, “Óóki. Kitákanistohpoaawa niitsiiyi. Niʼtóyi kanístsspoaawa amííksisk áisskohtaʼpoʼtakiáttsaaikska. Kómohtanistsspoaawa annohk ánni kitáískssipahtsaʼpssoaayi. Kítsskohtoiksimsstattsootspoaawa kááhksipahtsaʼpssoaayi niʼtói ánni niitsskohtóistsistotoahpi amííksisk áísskohtápoʼtakiattsaaiksi.

Jesus máttsitsiitáaksipoipoyiwa. Itanístsiiwayi, “Óóki, aakííyi. Anná annííksiska? Kátaiʼtsstsiihpa kitáótoiʼmoki?” Áániiyinai “Saa. Annoohka mátsitsstsiihpa.” Ki itanístsiiwayi, “Ki niistówa kinóóhkattsaotoiʼmo. Annoohka sotámomatapoot. Kii stámiksiwáatoota kipahtsáʼpssiistsi. Pináttokaʼpipaitapiiyit.”]