Popular Bible Verses from Lucas 22

Share

tsi' yʌlʌ: C Tat, mi a wom, loc'sʌbeñon jiñi vaso i yejtal bʌ wocol; pero mach che'ic bajche' com, la' mejlic che' bajche' yom a pusic'al.

Pero joñon tsa' c tajayet ti oración ame a cʌy a ñopon. Che' ma' cha' sutq'uin a bʌ, p'ʌt-esan a wermañujob.

Jesús tsi' ch'ʌmʌ waj, tsi' su'be wocolix i yʌlʌ Dios, tsi' xet'e, tsi' yʌq'ueyob, tsi' yʌlʌ: —Jiñʌch c bʌc'tal, mu' bʌ cʌc' cha'añetla. Che'ʌch yom mi la' mel cha'añ mi la' chʌn ña'tañon.

Che' ja'el, che' bʌ tsa' ujtiyob ti c'ux waj, tsi' ch'ʌmʌ jiñi vaso, tsi' yʌlʌ: —Jiñi vaso jiñʌch tsiji' bʌ xuc'ul bʌ c t'añ cha'añ c ch'ich'el mu' bʌ i bejq'uel cha'añetla.

Che' bʌ woli ti wocol Jesús, ñumen wersa tsa' caji i pejcan Dios, tsi' cha'le bu'lich, lajal bajche' ch'ich' tsa' chʌjq'ui ju'bel ti lum.

Pero jatetla mach che'ic yom mi la' mel, jiñi ñumen ñuc bʌ ti la' tojlel la' i mel i bʌ ti pec', jiñi mu' bʌ i xic' e'tel la' i mel i bʌ che' bajche' x'e'tel la' cha'añ.

Jesús tsi' su'be: —Pedro, mic su'beñet, che' maxto añic tsi' cha'le uq'uel jiñi tat mut ti ili ac'ʌlel, uxyajl mi caj a wʌl mach a cʌñʌyoñic.