Popular Bible Verses from ĠENESI 17

Share

U Abram kellu disgħa u disgħin sena meta deherlu l-Mulej u qallu: “Jien El-Xaddaj. Imxi quddiemi u kun perfett.

U ma tissejjaħx aktar Abram, imma Abraham ikun ismek, għax missier ħafna ġnus nagħmel minnek.

U jien nagħmel il-patt tiegħi bejni u bejnek, bejni u bejn nislek warajk skont il-ġenerazzjonijiet tagħhom, patt għal dejjem, li nkun Alla tiegħek u ta’ nislek għal dejjem warajk.

“Hawn jien. Ara l-patt tiegħi miegħek: Int tkun missier ta’ ħafna ġnus.

U Alla wieġbu: “Le! Sara, martek, tilidlek iben u ssemmih Iżakk, u jien nagħmel il-patt tiegħi miegħu għal dejjem, u ma’ nislu warajh.

U jien nagħti lilek u lil nislek l-art fejn int frustier, l-art kollha ta’ Kangħan, biex tkun tiegħek għal dejjem, u jiena nkun Alla tagħhom.”

U nxteħet għal wiċċu fl-art Abraham u daħak, u qal f’qalbu: “Huwa wieħed ta’ mitt sena jitweldulu t-tfal? U Sara mara ta’ disgħin sena tista’ tiled?”

U Alla żied jgħid lil Abraham: “Saraj martek, ma jkunx jisimha aktar Saraj, imma Sara jkun isimha.

Intom tkun maħtuna fil-laħam ta’ ġisimkom, u dan ikun sinjal bejni u bejnkom.

Imma l-patt tiegħi nagħmlu ma’ Iżakk, li għad tilidlek Sara bħal dan iż-żmien sena oħra.”

Jinħaten kull tifel tagħkom ta’ tmint ijiem fil-ġenerazzjonijiet tagħkom, sew jekk ikun imwieled f’darek, sew il-mixtri bil-flus mingħand il-barrani li ma jkunx min-nisel tiegħek. Jinħaten sew dak li jkun imwieled f’darek, sew dak li jkun mixtri bi flusek. U l-patt tiegħi jkun minqux f’laħamkom b’patt għal dejjem.