Popular Bible Verses from John 10

Share

Di tin wey tif dey do, na to tif, kill and distroy pipol, but mi, I kom so dat pipol go get life, di kind life wey full well-well.

“Na mi bi di good shepad. Di good shepad ready to die for di sheep.

My sheep dey hear my vois and I know dem and dem dey follow mi.

I don give dem life wey nor dey end and dem nor go ever die. Nobody go fit take dem komot from my hand.

Na mi bi di door, anybody wey enter thru mi, God go save am. E go-go inside and out and e go si betta grass chop.

“Na mi bi di good shepad, I know di sheep wey bi my own and dem know mi too.

My Papa wey give dem to mi big pass evribody and nobody go fit take dem komot from my Papa hand, bikos mi and my Papa, na one.”

Bikos my Papa know mi and I know am, naim make mi ready to die for di sheep.

Nobody go fit take my life from mi, but na mi go put am down by mysef and I get di pawa to take am back again. Dis na wetin God kommand mi to do.”

So Jesus kon tell dem again, “I dey tell una true word. Na mi bi di door wey di sheep go must pass enter.

Di pesin wey dem hire nor bi di shepad and bikos nor bi en get di sheep, e go run wen e si lion dey kom, so di lion go skata di sheep, kon kill di ones wey e katch.

“Na true word I dey tell una, pesin wey nor pass door enter di place where dem dey keep sheep, but klimb pass anoda side enter di place, na big tif.