Popular Bible Verses from तोलिङ्‌सोमु 27

Share

निङ्‌वाॽफुमाङ्‌ङिल्‍ले़ खे़ने़ॽ ताङ्‌साङ्‌बोबा सेःक्‌वालाम् नु इक्‍सादिङ् खाम्‍बेःक्‍मोबा आत्तातान्‍ने यरिक् कुवाॽमा कुबेःक्‍मालाम् यरिक् पुरुप्‍लुप्‍सेॽ थि नु पोगुगे़न् कुजा के़बिररो॥ मे़न्‍छाम् सुवाङ्‌हाॽ खे़ने़ॽ के़सेरोवा मे़बोङ्‌लरो, हे़क्‍क्‍याङ् मनाहाॽरे़ खे़ने़ॽ से़वा के़म्‍मे़त्‍लरो॥ के़म्‍भुॽ के़न्‍साॽसि के़युक्‍को मे़वाॽररो, खे़ने़ॽ के़म्‍मारे़ कुस्‍साहाॽरे़ खे़ने़ॽ से़वा के़म्‍मे़त्‍लरो॥ खे़ने़ॽ साङ्‌ग्रा माङ्‌दे के़मे़प्‍पाहाॽ के़रे़क् साङ्‌ग्राःल्‍ले़ ते़त्तुसिररो, हे़क्‍क्‍याङ् खे़ने़ॽ मुॽइसाम् के़बिबा के़रे़क्‍ले़ मुॽइसाम् मे़घोसुररो॥”

एसाबे़ल्‍ले़ मे़त्तु, “खे़ल्‍ले़ कुमिङ् याकुब वाःप्‍मनाबे़न् मे़लाॽरुम्‍बि? थेआङ्‌भे़ल्‍ले़ खे़ल्‍ले़ आङ्‌गाॽ निले़ङ् इङ्‌ले़क्‍ताङ् सुराङ्॥ खे़ल्‍ले़ आङ्‌गाॽ तुम्‍बा आलक्‍किन् नाप्‍ताङ्, हे़क्‍क्‍याङ् आल्‍लो आङ्‌गाॽ खोमा के़बोङ्‌बा मुॽइसाम्‍मिन्‍नाङ् तेॽरु॥” खुने़ॽ याम्‍मोआङ् मे़त्तु, “खे़ने़ॽ आङ्‌गाॽ आलागि लत्‍थिक्‍काङ् मुॽइसाम् के़नन्‍छुबा होःप्‍पि?”

खे़ब्‍याङ् कुम्‍बा इसहाक्‍के़ल्‍ले़ मे़त्तुरो, “ओमे़त्ते़ॽ, खे़ने़ॽ के़युङ्‌मा के़वाॽमान् खाम्‍बेःक्‍मोबा आत्तातान्‍ने नुॽमा तामालाम् लाःक्‍कात् माःङ्‌घा पोङ्‌लो, हे़क्‍क्‍याङ् ताङ्‌साङ्‌बोबा सेःक्‌वालाम् लाःक्‍कात् माःङ्‌घा पोङ्‌लो॥ खे़ने़ॽ आबाङे के़दाभेःल्‍ले़ कुमुक्‍साम्‍मिल्‍ले़ के़हिङ्‌लो, कर खे़ने़ॽ के़न्‍साॽरे़ कुसे़वारोबा के़बोङ्‌लो॥ कर खे़ने़ॽ के़नाके़सिआङ् खे़ने़ॽ खे़ल्‍ले़ कुजिघे़ःप्‍पिन् के़निःङ्‌मोलाम् के़यक्‍खुआङ् लाप्‍के़भुसुरो॥”

एसाबे़ल्‍ले़ कुम्‍बा मे़त्तु, “आम्‍बौ, खे़ने़ॽ लत्‍थिक्‍थिक् मुॽइसाम् के़गत्तुबि? आङ्‌गाॽआङ्‌सा मुॽइसाम् पिराङ्‌ङे़ॽना॥” हे़क्‍क्‍याङ् एसाबे़न् यम्‍बा इक्‍लाओ उःक्‍काङ् उःक् हाबे़॥