Popular Bible Verses from लुका 10

Share

निङ्‌मिःल्‍ले़ कुमुक्‍साम् सम्‍दाङ् इङ्‌गाॽ युक् पिनिङ्‌ङाङ् वाॽ, हे़क्‍क्‍याङ् असेःक्‍पाहाॽ सम्‍दाङ् खिनिॽ लाङ्‌के़घेगिॽ, ताङ्‌साङ् खे़बक्‍हाॽ के़दोॽरुम्‍सिम्, कर थेआङ् के़मे़म्‍मे़त्तिन्‍लो॥

कर ये़सुरे़ मे़त्तु, “मार्थाए, खे़ने़ॽग यरिक् पाःन्‍हाॽओ निङ्‌वाॽ के़बिरुआङ् आबाङे तुक्‍खे के़जाःत्‍छिङ्‌ङाङ् के़वाॽरो, कर के़ये़क्‍पा लक् थिक्‍लक् वाॽरो, हे़क्‍क्‍याङ् मरियमरे़ग खे़न् नुबा लक्‍किन् सेगुआङ् वाॽरो॥ खुने़ॽनु खे़न् लक्‍किन् नाप्‍मा सुक्‍मे़दे़त्‍ने़न्‍लो॥”

खे़ल्‍ले़ नोगप् पिरु, “‘खे़ने़ॽ के़न्‍दाङ्‌बा निङ्‌वाॽफुमाङ्‌ङिन् के़रे़क् के़सिक्‍लुङ्‌माल्‍ले़, के़रे़क् के़सक्‍मा साम्‍मिल्‍ले़, के़रे़क् के़धुम्‍मिल्‍ले़ हे़क्‍क्‍याङ् के़रे़क् के़निङ्‌वाॽइल्‍ले़, मिःम्‍जि मे़त्ते़ॽ,’ हे़क्‍क्‍याङ् ‘आप्‍फेक् लुङ्‌माॽ के़दुक्‍सिङ्‌बा कुइसिःक्‍के के़हिम्‍बेसाङ्‌बाहाॽआङ् लुङ्‌माॽ तुक्‍ते़से़ॽओ॥’”

हे़क्‍क्‍याङ् खे़ङ्‌हाॽ अक्‍खे मे़त्तुसि, “सुम्‍मा के़बोङ्‌बा चाःन् यरिक् ने़ःॽ, कर चा के़सुम्‍बा याःलिक्‍हाॽ मे़सुःन्‍लो॥ हे़क्‍केःल्‍ले़ सुम्‍मा के़बोङ्‌बा चाःल्‍ले़ कुन्‍दाङ्‌बान् यरिक् यालिक्‍हाॽ चा सुम्‍से़ पाङ्‌घुसिर फाॽआङ् खिनिॽ तुवा चोगे़म्‍मे़ॽओ॥

हे़क्‍क्‍याङ् ये़सुरे़ खे़न् सेःन्‍लाप्‍तु, “कन् सुम्‍सि मनाहाॽओ आत्तिन् मनान् फाःन्‍दाहाॽरे़ मे़याङ्‌घुबाल्‍ले़न् के़नुॽबा कुहिम्‍बेसाङ्‌बा पोःक्‍खे़ फाॽआङ् के़इःत्तुबे?” खे़न् साम्‌योथिम्‍साम्‍बाल्‍ले़ नोगप् पिरु, “खुने़ॽ कम्‍ब्राङ् के़मे़प्‍पे़न्‍लो॥” हे़क्‍क्‍याङ् ये़सुरे़ खे़न् मे़त्तु, “पेगे़ॽआङ् खे़ने़ॽआङ् बा हे़क्‍केए चोगे़ॽओ॥”

मे़ल्‍लुक्‍साहाॽ पराबाहाॽरे़ खुनिॽ लुम्‍मो पाङ्‌मनाबा कुइसिक् इङ्‌गाॽ पाङ्‌निङ्‌लो॥ आल्‍ल पेगे़म्‍मे़ॽओ॥