Popular Bible Verses from Ruc 2

Share

Ỹhỹ, ita kam, caxwa ita kam, me gõ Pahhiti pê me akên pê me ato hapôj catê pỳm, Tawi xwỳ jõ krĩ kam. Ne cupê, por pê Pahpãm me amã to awjahkre ata.

Mã Pahpãm jarkwa to imprar catê me cumã: ― Nee ame icupa nare. Wa ite me amã ijũjarẽn pejti to prãm to, wa me awỳr icator. Ne wa ha me amã awjarẽ, ca ha me ijũjarẽn xà ita kôt, ca ha me gakry, quê ha ampeaj kam mehcunea mã amji kĩan to amji kĩn, me cati me, mehkryjre me, quê ha mehcunea mã amji kĩan to amji kĩn.

“Quê ha côjkwa kam mehcunea jirôa pê Pahpãm pejti ne cati na me harẽ. Ne pjê kam, quê ha Pahpãm me to impej atajê, quê ha me caxwãm pê mehcarĩcti ne” hajỹr.

Pê Jeju hĩ to ipicamẽn to mõ, ne ajco ihkà to mõ, ne hanea ne ihkrã kre te amji jahkre pej to amji kà to mõ. Ne pê mehcunea mã ihkĩn, ne hanea ne côjkwa kam Pahpãm jỹ ita mã ihkĩn.

Ne ampeaj kam ca ha ita kam me hõmpu. Quê ha ahkrare xũmre nõ cupẽhkà ihcupu, ne ampo jàpàn xà kam nõ, ca ha hỹrmã me acato ne me hõmpu, ne me hahkre pej ― hane.

Mã pjê ata kam, carà cahàcre jamãr catêjê hõtpê ame hamãr to me ipa. Ne amcro me caxwa kam, hõtpê ame to ipa. Ne caxwa ri, pjê ata kam, põ pê ame hamãr to ame ipa. Mã ihprõt pê Pahpãm jarkwa to imprar catê cator, côjkwa pĩn. Mã hàhcujro pê Pahhiti jàhcujro impejti ata hàhcujro pyrentu, ne ipu na hàhcujrohti, ne ihpràti. Mã cute me hõmpun ne me cumã hũpaa to hũpa.