Popular Bible Verses from LUKA 23

Share

Tin, Isuan, “Ka Pa, anni hi ngaidam rawh; an thiltih hi an hre lo a nih hi,” a ti a. Tin, a silhfênte chu an insemin ṭhum an vâwr a.

Tin, ani chuan a hnênah, “Tihtak meuhvin ka hrilh a che, vawiinah hian ka hnênah Paradis-ah i awm ve ang,” a ti a.

Tin, “Isu, i ram i thlen hunah mi hre reng ang che,” a ti a.

Tin, Isua aw ring takin a au va, “Ka Pa, i kutah ka thlarau ka kawltîr e,” a ti a. Tin, chu chu a tih zawhin a thlarau a thlah ta a.

Tin, ‘Lu ruh’ an tih hmun chu an thlenin, chutah chuan kraws-ah an khêngbet a, mi sualte nên, a ding lamah pakhat, a vei lamah pakhat.

Tin, chawfâk hun lai a lo ni a, chumi achin behliang mun hun thlengin khawvêl a lo thim ta vek a, ni êng a reh ta a; tin, Pathian biak in puanzâr chu a laiah a lo thlêr ta a.

Tin, sipai za hotu chuan thil awmzia chu a hmuhin, “He mi hi mathei lovin mi fel tak a ni phawt mai,” tiin Pathian a fak ta a.