Popular Bible Verses from MARKA 11

Share

Chuvângin, ka ti a che u, engkim in ṭawngṭaia in dîl apiang chu hmu tawhah inngai ula; tichuan, in hmu ang.

Tihtak meuhvin ka hrilh a che u, tu pawh he tlâng hnênah hian, ‘Lo insawn la, tuifinriatah lo inpaih rawh,’ tia, a rilrua ringhlel lova a sawi chu a lo thleng ngei ang tih ring apiangin an sawi ang apiang chu an hmu ang.

Tin, ṭawngṭaia in din hun apiangin, tu chungah pawh thupawi eng emaw in neih chuan ngaidam rawh u; in Pa vâna mi pawhin in bawhchhiatnate chu a ngaihdam theihna tûr che uin,” a ti a, a chhâng a.

Tin, Isuan an hnênah, “Pathian ring rawh u.

Tin, an hnênah chuan, “ ‘Ka in chu hnam tin tân ṭawngṭaina in an ti ang,’ tih ziak a ni lo vem ni? Nangni erawh chuan suamhmangte pûkah in siam zâwk hi,” tiin a zirtîr ta a.

Tin, a hma lama kalte leh a hnung lama rawn zuite chuan, “Hosanna! Lalpa hminga lo kal chu fakin awm rawh se

Ram lo thleng tûr, kan pa Davida ram chu chawimawiin awm rawh se. Chungnung berah khian Hosanna!” tiin an au va.