Popular Bible Verses from ROM 12

Share

He khawvêl dân ang hian awm suh ula; Pathian duh zâwng, a ṭha leh, lawm tlâk leh, ṭhat famkim chu in hriat fiah theih nân, in rilru a thara awmin lo danglam zâwk tawh rawh u.

Chutichuan, unaute u, Pathian khawngaihna avâng hian, inthawina nung leh, thianghlim leh, Pathian lawm tlâk ni tûrin, in taksa chu inhlânah ka ngên a che u; chu chu in rawngbâwlna âwm rêng a ni.

beiseina kawngah chuan lâwm ula; hrehawm tuarna kawngah chuan chhel ula, ṭawngṭaina kawngah chuan ṭawngṭai fan fan ula

Sual ngam chein awm suh la, ṭhatnain sual chu ngam zâwk rawh.

Unaute hmangaih kawngah chuan hmangaih takin inlainat tawn ṭheuh rawh u; chawimawi kawngah chuan induhsak tawn ṭheuh ula

Hmangaihna chu vervêkna tel lovin ni rawh se. Sual lam chu hua ula, ṭha lam chu pawm tlat rawh u.

A theih phawt chuan nangmahni lam tal, mi zawng zawng nên inremin awm rawh u.

Duh takte u, in phubâ la suh ula, Pathian thinurna kian zâwk rawh u, “ ‘Phubâ rêng rêng keima lâk tûr a ni, keiman ka thungrûl ang,’ Lalpan a ti,” tih ziak a ni si.

taihmâk kawngah chuan thatchhe suh ula; thlarau kawngah chuan ṭhahnemngai ula; Lalpa rawng bâwl ula

Pathianin mi pêk khawngaihna avâng hian, in zînga tu mah inngaihhlut tâwk aliama inngaihlu lovin, Pathianin mi tin hnêna rinna tâwk a pêk ang zêlin, fel taka ngaihtuah zâwk tûrin ka ti ṭheuh a che u.

Tu sual pawh sualin thungrûl suh u. Mi zawng zawng ngaiha thil mawi ngaihtuah lâwk rawh u.

Ngaihtuah hmun khatin awm tawn ṭheuh rawh u. Inngaihtuah sâng lutuk suh ula, mi tête pâwl zâwk rawh u. Intifing suh u.

Chuvângin, i hmêlma a rilṭâm chuan ei tûr pe rawh, a tuihâl chuan in tûr pe rawh: chutiang i tih chuan a lu chungah meiling i chhêk khâwm a ni ang.

A tiduhdahtu che u chu malsâwmsak ula; malsâwm ula, ânchhia chu lawh suh u. Lâwmte chu lâwmpui ula, ṭapte chu ṭahpui rawh u.

mi thianghlimte tlâkchhamnaah chhawmdâwl ula; mikhualte lâwmin awm fo ula.

Taksa pumkhatah pêng tam tak kan nei a, pêng zawng zawng thiltih erawh chu a inang lo va; chutiang bawkin keini tam tak ni mah ila, Kristaah chuan taksa pumkhat kan ni a; a mal malin inpêng tawn ṭheuh kan ni.