Popular Bible Verses from John 4

Share

Spiritā ī God, hī mīs lāgītl sī da umyāḵē kī umyāḵā kī lāḵ spirit glū aulā.

Gāḵa nāqilā um glūḵ gāḵ mī sūḵ, yiḵ lāh dum kla sa aulā kla umyāḵā‐kl, lā‐kl umyāḵulā‐kl ḵā Umpa lāḵ Spirit glū aulā, kā īḵs hī ma ī qayū‐badsī sa Umpā kā umyāḵāk ḵī da hī qīx ī.

Wa yiglā ḵā nāḵ īd kla ḵā wāpā un zawē kluk, kīs‐kl nākīḵsda īnūḵ‐kl, lē kla glī da wāpa un zawē kluk kūtlūstaula‐kl wāp‐kl lāk, lāgūstaulā‐kl lāk hīmunīsā qilā.

Lī Jesus nānāḵmī nīk yik, gil mī lāḵs dē kūs kauklilāḵ zaw yas God, glū mātltēlāḵ gāda nīk gūkl, nākā masla sun, sū lāḵs da tā uḵ‐kyālā lāk, la mīs zaw lāḵs da sa qilāstē wāpa

Lī Jesus nīk yik, hī mun hīmaūmasī da nānākīgāyā ḵā yālākum nūqā un, glū kun qātlā masīḵ uḵ sa wās.

Lī da zidāk nīk yik, Ad, kīyosa ā kūs tsāyazē, la mīsūḵ qāyā‐ḵula um ḵa ūḵ da kūtlūstauḵ: wa wīzisā zau tā klasī ḵā qilāstē wāpā?

Lī da zidak nīk yik, kauklila mun klāḵ Messiah‐ḵs gāḵī kla, ḵā glīkula sa wās Christ, gil um‐kl wī sī gāḵ‐kl, lā klī nītlā‐kl gāḵunuhwā sa nāhwā. Lī Jesus nīk yik, yiḵ gāda yākuntāla gūkl, Nūgwā um.

Kīlaga dūḵwīd ḵā bagwānum, yiḵā nīkī gāḵun klasun nāhwā qīgīlasāyādsa wātla, īdsau ga mī da Christ?