Popular Bible Verses from Yahwana 5

Share

“I akwa pəla ala giri jirkur, kəlara mdə na ata nggatə ndərayeri arna, ka hamta jiri aka mdə na ku thlentə ra, tsa ka mpikə na akur wa.

Sakatə Yesu wutə mdə ni ka sənda abbər mdə ni ku fəi apəpəi anda, antə tsa yu ni ka pəla, “Ga ata bara ka gə ndzi ngga ya?”

Giri ana paka akwa kakaɗayeri ar Hyel, kamnyar giri tamata abbər akwa kakaɗayeri antə giri ata wutə mpikə na akur wa. Tsuwa tsu kakaɗayeri ngəni andər hara seɗa ata kəri ni. Amma wala apani giri aɗi hir si adzə ra kamnyar ka giri wutə mpikə wa.

Antə Yesu pəla alari, “Thlata! Kətə sərpəyir nga, kara mwa.” Təkəma antə mdə ni ku mbantədzi, ka kətə sərpəyirni, ka baɗitə mwa. Tsuwa su ngəni ni hara akwa Vir Ghərəmtaghəra ar sati.

Antə Yesu shinau ala ɗa ka pəla, “Jiri, I akwa pəla ala giri, Ɓzər amzhi hara su ka kərari wa, tar su tə tsa wutə Tədda akwa harari. Kamnyar su tə tsa ana hara antə Ɓzər ni ata harari tsuwa.