Popular Bible Verses from Luka 9

Share

Antə tsa pəla aka shanga ɗa abbər, “Kəlara mdə na ata bara nu ra, tar ka tsa nggəlar kərni, ka tsa kətə udzəm kadləkadla arni tədək viri, ka tsa nu ra.

Kamnyar kəlara mdə na akwa bara mbantə mpikari, mpikari ata sha. Amma kəlara mdə na akwa shamta mpikari kamnyar na, tsa ata mbantə mpikari.

Amma Yesu pəla alari, “Kəlara mdə na ku baɗitə tsuhwa ka garma, ma tsa akwa jaktə wul bwahilari, tsa aɗi ata mzhi ləkwa kuthlikurər Hyel wa.”

Kamnyar man ampaniyari ri, ma mda ata ndzi mthlakər shanga duniya ni, amma tsa ata ni ka mpikari?

Kamnyar kəlara mdə na ata səli kamnyar na, ka kamnyar ndərərna, antə Ɓzər ata sə səli kamnyar ni tsuwa sakatə tsa ata sə si ka səliyirni kəga səliyir Tədda ka ar mjirthlentərhyel na ɓɗakkarkara.

Antə Yesu pəla alari, “Pwaghayeri ka kur ɗa, ɗikayeri tsuwa ka mbwar ɗa, amma Ɓzər Mda aɗi ka vəi tə ka tsa pəpəi ata wa.”

Antə tsa pəla ala ɗa, “Kəlara mdə na ku dlu ɓzəngkyar na raka apa ngəni akwa thləmi, tsa ku dlu ra. Tsuwa kəlara mdə na ku dlu ra, tsa ku dlu mdə na ku thlentə ra. Kamnyar mdə na raka ta shang akwa nca giri, an olta shang.”