Popular Bible Verses from OHÚTU 24

Share

Anɔ́ɔ ó le ɔkɔ gbā kahíníī, “Óndú ā, awɔ nōo wɛ Ɔwɔicō kú ɔkpani um Ébrahām ā, lɛ ɔwɛ kú um yá gbóóló gā um cɛ́ɛ́ ká ā lɛ okónu nɛ̄ a ce lɛ ɔkpani um ā yá jīla.

Lɛ ɔ́ yá tɔ́ɔtɛ́ cɛ́ɛ́ ka ɔyínɔ̄nyā nɛ̄ n géē da ɔ́ kahíníī, ‘Kócōō lɛ ɔjá kú uwɔ túkpɛɛ́ gā um kú um lɛ éŋkpɔ̄ gwá káá,’ nōó géē ka kahíníī, ‘Gwá. N kōō í bī éŋkpɔ̄ gé lɛ aínyankwūlūmī kú uwɔ dúú ā, ɔyínɔ̄nyā ɔ́ɔmā kóō kwú pīya ɔnyā nɛ̄ a fu lɛ Áyísīki, ɔ̄cocɛ̄hɔ̄ kú uwɔ ā. Ɔ́dāŋ ka ɛ̄nyā le yá lɛ ā, n géē jé ka a le okónu nɛ̄ a ce lɛ ɔkpani um ā yá ɛɛ́.”

Anɔ́ɔ Áyísīki lɛ Urebéka bī wā ipú áklɔ̄kpɛ nɛ̄ ɛ́nɛ́ nū lā gbɔbū ā, anɔ́ɔ ó kwú pīya ɔnyā nū á. Urebéka he Áyísīki ɔtū nɛ̄hi, anú tá ɔ̄ ɔtulé ipú ikwū kú ɛ́nɛ́ nū mɛ́ɛ́ á.

Anɔ́ɔ é le ɔhā hɛ́ ce ɔ́ klla le okónu cā lɛ Urebéka kahíníī, “Awɔ, ɔyínɛ́ alɔ nɔ̄nyā ā, ká ā kwú pīya ɛ́nɛ́ kú ācɛ úlúúlā igbíngbídi! Ayááyí uwɔ kéē mīyɛ aɔ́lɛ́ kú aólɛlā kú uwā tɔ̄ɔkwu.”

N tíne ká ā gbɔkpá ā ŋmá lɛ iyē kú Óndú, nōo wɛ Ɔwɔicō kú ɔkpáncō mɛ́mla ɛcɛ ā ka, anúɔ í gáā lɛ ɔnyā lɛ ɔyí um ŋmá ipú ayínɔ̄nyā kú Ukénan nɛ̄ um lā ipú uwā nyā ā ŋ́. Amáŋ, ka a géē kwúcē ga ɔlɛ́ um, ɛgiyí ācɛ ɔlɛ́ um, gaá lɛ ɔnyā lɛ Áyísīki, ɔyí um.”