Popular Bible Verses from OHÚTU 45

Share

Abālɔbányā, ɔ́ɔ híī kwú aá iyē gɛ ŋ́, ɛ́ɛ́ nɛ̄ aá ī kpɛ́lāce iyī aá abɔ̄ aá je um lá wā amānyā ŋ́. Ohígbū ka Ɔwɔicō tū um ɛhɔ̄ wā amānyā gbɔbū lɛ aá, cɛ́ɛ́ kú n̄ lɛ oyēeyī kú ācɛ nyatá á.

Ohígbū ɔ́ɔmā, ó wɛ aá tū um ɛhɔ̄ wā amānyā ŋ́, amáŋ Ɔwɔicō nɛ̄. Ó lɛ um pīya igabɔ̄ nōo fíyɛ́ dúú kú Uféro, nōo lɛbɛ̄ɛka ádā lɛ Uféro, mɛ́mla ɔkpani kú odúúdú ɔlɛ́ nū, mɛ́mla odúúdú ajɛ kú Íjīpiti.

Ɔwɔicō le um tɛ̄hɔ̄ wā amānyā gbɔbū lɛ aā kú n̄ lɛ ajɛ tútū lɛ aá ɔwɛ oyéyīji nyā, o yá kú aá mɛ́mla ipɔ́ɔma kú aá kóō yēeyī.

Anɔ́ɔ Ujósɛ̄fu da ayínɛ́ nū ā kahíníī, “Aá kócōō túblá um káá.” É le túblá anú, anɔ́ɔ ó kahíníī, “N wɛ ɔyínɛ́ aá Ujósɛ̄fu, nɛ̄ aá je lá ga Íjípiti ā.

Ɔkpɛtā ā gbɔɔ́ ō ŋmó iháyí ɛpa kllɔ́dɔ́ ipú ajɛ ā. Íháyí ɛhɔ̄ ɔhá kōō hile kpɔ́ ɛ́ɛ́ nɛ̄ ɔ̄cɛ dúú í gáā hɛ́hɔ̄ glá ŋ́ ɛ́ɛ́ nēé gē cē ɔdɛ̄hɔ̄ ŋ́.

Anɔ́ɔ Ujósɛ̄fu da ayínɛ́ nū kahíníī, “Ami wɛ Ujósɛ̄fu á. Ádā um yēeyī kpɔ́ ɛ́ɛ̄?” Amáŋ abɔ̄ ayínɛ́ nū le ɛlā ā pó ā, ó le hɛ́ uwā ohí nɛ̄ɛ̄nɛ̄hi nōó cɛ̄ lɛ uwá ka ɔdā dúú glá ŋ́.