Popular Bible Verses from OHÚTU 50

Share

Aá le ujɔ̄ ōbɔ̄bí tū lɛyíkwu um, amáŋ Ɔwɔicō kwú ɔ̄ ú pīya olɔhi gā um. Ó yá lɛ ā, o yá ká n̄ lɛ oyēeyī kú ācɛ alɛwa nēe yēeyī ícɛ nyā tū.

Amáŋ, Ujósɛ̄fu da uwá kahíníī, “Áá híī yúúfi ŋ́, n gáā je iyī um kwɛyí Ɔwɔicō glá ŋ́.”

Aá híī yúúfi ŋ́, n géē je ɔdōlé lɛ aá mɛ́mla ayí aá. Anɔ́ɔ ó bī ɛlā ō gbɔtūnɛɛ ɛ́gɛ́nyā le uwá ɔtū tú kwɔtū á.

Ó kahíníī, ‘N gbɔ̄ɔkɔ gā uwɔ, kwú ɛjɛ̄ɛ̄jī ɔdōbɔ̄bí nɛ̄ ayínɛ́ uwɔ yá uwɔ ā í yá uwā ɛhi.’ Abālɔbányā kóocōō kwú ɔdōbɔ̄bí nɛ̄ alɔ, nēe wɛ ācocɛ̄hɔ̄ kú Ɔwɔicō kú ádā uwɔ ā, í yá alɔ ɛhi.” Ujósɛ̄fu le ikwū je eko nōó mīyɛ olɛhɔ̄ nyā ā.

Ujósɛ̄fu da ayínɛ́ nū kahíníī, “N gaá kwú ɛɛ́, amáŋ Ɔwɔicō géē leyīkwu aá. Ó kē í kpó aá bɛ̄cɛ ŋmá ajɛ nyā, ga ajɛ nōó cokónu ō je lɛ Ébrahām mɛ́mla Áyísīki mɛ́mla Ujékɔ̄pu piíí ā.”

Anɔ́ɔ Ujósɛ̄fu da ācɛ ɔlɛ́ nū kéē lɛ ɔkpá gbo. “Aá lɛ okónu ce gā um ka eko nɛ̄ Ɔwɔicō lɛ aá bī ga ajɛ ɔ́ɔmā, aá géē je okwū kú um nyɔ̄ mla aá.”

Anɔ́ɔ Ujósɛ̄fu gekwú, eko nōó wɛ iháyí ofɛhɔ̄ cigwó ā á. Anɔ́ɔ é le ɛcí nya okwū kú nū ā, le ɔ́ tū lɔɔlɔhi cɛ́ɛ́ kóō híī wa ŋ́. Anɔ́ɔ é kwú ɔ̄ ú tá ipú ikpati á.