Popular Bible Verses from UJƆ́NI 10

Share

Aúwī ā í wā ohígbū ɔdā dúúmā ŋ́, ń tá áafú ŋ́ kéē gaá wūwī, kéē ŋmó, kéē kla gáā bīya ɔdā tāajɛ. Amáŋ ami ā wā kéē lɛ oyēeyī, kéē klla lɛ ɔ́ nwuné nwuné.

Ami wɛ ɛ́nɛ́nɛ̄ ɔ̄cogbāálá á. Ɛ́nɛ́nɛ̄ ɔ̄cogbāálá ā gē je oyēeyī kú nū kwɛyí ákú aálá kú nū ā.

Aálá kú um gē pó ɔkɔ kú um, n kē jé uwā, é kē í yɛce um.

Anɔ́ɔ n géē je oyēeyī nōó ī mɛ ŋ́ lɛ uwá á. É kē gáā yíífi ŋ́, ɔ̄cɛ dúúmā í gáā nū uwā ŋmá abɔ̄ um glá ŋ́.

Ami lɛbɛ̄ɛka okómpīinu á, ɔ̄cɛ dúúmā nōo bēhé ŋmá iyí um géē nyatá, ó géē ga eyīpú klla í wɛ̄ɛcɛ, ó klla géē má ácí í lé.

Ami wɛ ɛ́nɛ́nɛ̄ ɔ̄cogbāálá á, n jé álá kú um, álá kú um kē jé um. Ɛ́gɛ́nɛ̄ Ádā ā je um ā, ɛ́gɔ́ɔmā nɛ̄ n kē jé Ádā ā á. N géē je oyēeyī kú um kwɛyí ákú aálá kú um ā.

Ádā um nōo kpó odúúdú uwā gā um ā, anú fíyɛ́ ɔ̄cɛ dóódu á. Ɔ̄cɛ dúúmā í kē lɔfú nū uwā ŋmá abɔ̄ Ádā ā glá ŋ́. Ami mɛ́mla Ádā ā wɛ ékpó.”

Ami wɛ ɛ́nɛ́nɛ̄ ɔ̄cogbāálá á, n jé álá kú um, álá kú um kē jé um. Ɛ́gɛ́nɛ̄ Ádā ā je um ā, ɛ́gɔ́ɔmā nɛ̄ n kē jé Ádā ā á. N géē je oyēeyī kú um kwɛyí ákú aálá kú um ā.

Ɔ̄cɛ dúú í lɔfú ŋmó um icííci glá ŋ́. Ami abɔ̄yī um cɛ̄ ka n gē kwú á. N lɔfú cɛ̄ ō kwú, n kē lɔfú nɛ̄ n gē yēeyī igbɔhá glá kpɔ́. Ami miyɛ ɔ́da ŋmá ɛgiyí Ádā um á.”

Anɔ́ɔ Ujísɔ̄si da uwá igbɔhá kahíníī, “Ɔkwɔ̄ɔ̄kwɛ̄yi, n̄ da aá ka, ami lɛbɛ̄ɛka okómpīinu nɛ̄ aálá gē bū á.

Ɔ̄cɛ nēé pūla ā, nōó wɛ ɔ̄cogbāálá ā ŋ́ mā, ɔ̄cɛ nɛ̄ aálá ā í wɛ ákú nū ŋ́ mā, eko nɛ̄ ó má ɔgwú gē wā, ó í habɔ̄ aálá tá le kwu. Anɔ́ɔ ɔgwú lɛ uwá pahīla le aóhī kpó kwú.

Anɔ́ɔ Ujísɔ̄si da uwá kahíníī, “Ɔkwɔ̄ɔ̄kwɛ̄yi n̄ da aá ka, ɔ̄cɛ nōó yɛ okómpīinu ga ipú igá kú álá ŋ́, amáŋ nōó le icō ɔdɔ tū le yɛ ɔ́gba wā eyīpú wɛ uwī mɛ́mla ohéjulúgwu.