Popular Bible Verses from ỊJỌN 17

Share

Kpa ẹla nya ịlẹhị nyang hụ́ angịnyị nyang ịwẹ cheri-cheri mẹ. Ẹla nyang kpangga a ri ịlẹhị ọọwa lẹlẹ.

Ọlẹ a ri ọhịhị ọmyịmyị-ka ọọwa lẹlẹ, angịnyị ehe, ọ-ka jẹ́ yẹẹyẹẹ yẹkẹẹ, Ahụ kpakpakpa nyaa ri Ohe Oluhye nya ịlẹhị-ịlẹhị ọọwa lẹlẹ bala ọ-ka jẹ́ iJisọsị ịKịrayịsị ọngọlẹ ká du ẹrụ warị wẹ odehe ọlẹ yẹẹyẹẹ ịnyịnyị.

“Aḿ jam raabwọ chajị nya angịlẹ ụbwaa kem ka. Ma, m raabwọ wọnụ nya angịlẹ wuu kị ka myị lam nya ịlẹhị-ịlẹhị bwula ẹrụ ọnyịịla nyam ọlẹ ká angịlẹ ka kpa kaka ya pyẹ jaa ịnyịnyị. M jam bịlẹng ká ka họ kịịwa wuu ka yẹ ri ọngọ ookpokpo, jaabwọ kaahụ Ohe Oluhye Adịda jam ẹ-ẹpwụ nyam, kaam tị tịtị kụ ẹ-ẹpwụ nyang ịnyịnyị. Ká họ kịịwa wuu a ri ọngọ ookpokpo ẹ-ẹpwụ nyahị ịnyịnyị, chajị ká alodehe ịkịla wuu ka jẹ́-ẹ myị nya ịlẹhị-ịlẹhị yẹkẹẹ, Ahụ nyaa dum ẹrụ warị wẹ odehe ọlẹ ịnyịlẹhị lẹ.

Abwọ ọrịrị nyam chajị nyaa á ri ká ka kpaa rụ hi ẹpwụ nya odehe ọlẹ ka. Ma, ká ka juwa ke angịịwa wuu yẹẹyẹẹ, chajị ká Ohe Onyobyi á ka jwaa họ ịngịngịhyẹ myị́ kpong-kpong kaka, ịnyị!

Ẹbyẹbyị nyang ọlẹ ká ya ham lẹ, m ya chị kụrụ angịwẹ lẹ. Chajị kị ka jẹ́-ẹ ri ọngọ ookpokpo ẹ-ẹpwụ nya ẹla nya ịlẹhị, jaabwọ kaam bala Ahụ ri ọngọ ookpokpo lẹẹ ịnyịnyị mẹ. Ịnyị lẹ, ụka kaam ayịdang á juwa ẹ-ẹpwụ nyaa, kaahụ Ohe Oluhye á tị jam ẹ-ẹpwụ nyam lẹ aalẹ, ọọwa a ka họ kịịwa wuu ka jẹ́-ẹ yẹ ri ọngọ ookpokpo ịnyịlẹhị-ịlẹhị lẹlẹ. Chajị ká alodehe ka jẹ́-ẹ jẹ́ yẹkẹẹ, Ahụ kpakpakpa nyaa dum ẹrụ warị wẹ odehe ọlẹ ịnyịlẹhị lẹ. Chajị ká alodehe ka myịmyị-ị̀ jẹ́ yẹkẹẹ, jaabwọ kaahụ nyị la ọháha ẹ-ẹga nyam lẹ, ịnyịnyị-ịnyịnyị, Ahụ nyaa la ọháha ẹ-ẹga nya angịwẹ wuu lẹlẹ mẹ.”