Popular Bible Verses from Jọn 3

Share

Anịatịḅị Tamụnọ Ḅe tomonikiri mị ḅẹlẹma so ọkụma, ori oria gbọrị Tọkụ Ḅe se fịrịmamẹ, mịẹse ò ḅereniḅọ goyegoye fị ẹka ḅara, ọkụma sime gbaso ḍumo nwọ nyanaḅịa ọkụ.

Anịatịḅị Tamụnọ Ḅe oria Tọkụ Ḅe se tomonikiri mị fịrịmamẹ na Ò ḅo ḅẹrẹpẹlẹḅọ sọ-ẹ, ọkụma Ò ḅo anị ḍụaḅọrọmaḅọ nwọ sọ-ẹ.

Jizọs Ḅe pẹkẹrẹmẹ, “Kọkọmaye mị à nwọ ḍuko ị́ pịrịaḅẹ: ineda Tamụnọ Amanyanakiri mị ọrịḅịa ḅọ ofori-ẹ, ini kpoto iniḅọ yika simeogbo.”

Tọkụ Ḅe ḅereniḅọ goyegoye ini ḅẹrẹpẹlẹ iniḅọ pịrị ẹkẹ, ọkụma Ò ḅerenikaḅọ goyegoye ini ḅẹrẹpẹlẹ iniḅọ pịrị ḅọrọsam, anịatịḅị ọ̀ Tamụnọ ngẹrị Tọkụ Ḅe nwọ ḅerenikẹ.

Mị ḅẹrẹpẹlẹ fịrị mị nwẹngị ọkụ-ẹ: enekuḅu mị tomonikiri mị ḅie ḅomẹ, ọkụma tomoni kanakana mị re nwọ ḅẹlẹmatẹịn enekuḅu mị nẹngịmẹ, anịatịḅị inia mịẹmịẹaye ma siaye-ẹ.

Ori ḅo yesọtẹịnḅịa, anịsịkị ị̀rị̀ à ḅarị opuma yesọ ẹkẹ.”

Siaye mịẹḅọ goyegoye taraka se enekuḅu mị wẹrịmamẹ, se enekuḅu mị nwọ damaḅo ẹkẹ, anịatịḅị ò ḅi ẹkẹ oria si mịẹmịẹaye ma ḅelepaka.

Tọkụ Ḅe ḅereniḅọ goyegoye simegbaso ḍumo nyanamẹ; Tọkụ Ḅe ḍukoye mịẹkaḅọ goyegoye ngịsị ḍumo nyana ẹkẹ, ọkụma Tamụnọ ịganị iniḅọ ọgọnọ gbana gbasoḅịa.

Eleogbo Moziz ḅe chịn ọgọnọ alapẹlẹka se mịẹ oruwu ḅe dekichịẹma ḅara mị, anị gbọrị ḅara anị ini seni Tomoniḅọ Tọkụ Ḅe dekichịẹmaḅịa ọkụ-ẹ

Ḍaḅọ Ḅe oria Tọkụ Ḅe ḅẹlẹmamẹ, se yelayelaye nwọse Oria kụrọ ḅụ wẹrịsam.