Popular Bible Verses from Jọn 6

Share

Jizọs Ḅe nwọ ḍuko ini pịrịmẹ, “Ị̀rị̀ anị ḍumo fịturu Ḅe-ẹ, ị̀ damaḅo ḅọ goyegoye ḅuru ḅarị iniḅọ tarị ẹkẹ; ị̀ ḅereni ḅọ goyegoye iniḅọ pụkọ ḅarị samịna ẹkẹ.

Tamụnọ Tẹmẹ mị anị ḍumo pịrịarịye mị-ẹ, ngịsị tomoniḅọ kụrọ mị anị ye ḅụ ofori-ẹ. À ḍuko ọ́ pịrịsa ọkwẹịnma anị ḍumo pịrị Tamụnọ Tẹmẹ mị ọkịḅoarịye-ẹ.

Ọ́ fịrịnwẹngị siḅịa fịye nwọ pịrịma, anịnakaraka, ọ́ fịrịnwẹngị simegbaso ḍumo fịye mị nwọ pịrị. Mị fịye mị anị Tomoniḅọ Tọkụ Ḅe se ọ́ pịrịḅịaye-ẹ, anịatịḅị Tamụnọ Ḍaḅọ Ḅe, ori ọ̀ tọnmẹ nwọḅẹ elekima seni ọ̀ ḅụ chụasam.”

Anịatịḅị mị ị̀ Ḍaḅe ḅi ọkụ mị-ẹ na Tọkụ Ḅe ọrị se ò ḅereni apụ mamgba simegbaso ḍumo nwọ nyana. À pịkị na fị ḅụ ini sịsẹmaḅịa kuluma ene mị ḅụ.”

Jizọs Ḅe ini pẹkẹrẹmẹ, “Mị anị Tamụnọ Ḅe ḅi na ọ́ mịẹ nwọḅẹye mị-ẹ, ò seni ọ́ fịrịma ḅọ ḅe ọ́ nwọ ḅereni.”

Ị̀ Ḍaḅe seni ị̀ pịrị ḅọ goyegoye ị̀ damaḅoḅịa. Àrị ngịsị ị̀ damaḅo ḅọ nwọ desin ẹkẹ

Saịmọn Pita ḅe pẹkẹrẹmẹ, “Nyanaḅọ, wa so tụḅọ damamun ḅe? Ị́rị́ mị simegbaso ḍumo pịrịpịrị ọkwẹịnma nyanaḅọ Ḅe-ẹ.

Ị̀rị̀ anị soḅie ḅo ḍumo fịturu ḅe-ẹ. Mị fịturu mị fị ḅọ sime sime, iniḅọ ḍumo gbasoḅịa. À seni iniḅọ pịrịḅịa fịturu mị anị ị̀ya ojumịnị mị-ẹ, mịẹse tomonikiri mị ḍumoḅịa ẹrẹchị.”

Gbọrịḅọ sọnị ineda ị̀ damaḅo ẹkẹ ị̀ se sẹịnḅọ ḅe ḅarana iniḅọ jineḅo ị̀ pịrịka simeogbo, à pịkị fị ḅụ iniḅọ sịsẹmaḅịa kuluma ene mị ḅụ.

Anịatịḅị Tamụnọ Ḅe pịrị fịturu mị anị ori-ẹ, soḅie koroḅo se, pịkị ḍumo seni tomonikiri mị pịrị ḅọ Ḅe-ẹ.”

Ị̀rị̀ ḍumo fịturu ḅe-ẹ.

Jizọs Ḅe ò fịturu mị ọkịmẹ, mịẹḅaka seni Tamụnọ Ḅe ḅẹ, se anị ḍie se anịnyọ sime apụma pịrịmẹ. Ọ̀ pịkị anị ḅara mị se injima ḍiemẹ, se inimgba ini na iḅi ḅara nwọ ọkịmẹ. Inimgba ḅụlọ ḅein sịkị, ọ̀ nwọse oria ọḅụḍukoapụma ḅẹmẹ, “Ọ́ kọn-a pumburoma gbala; ó ye wa gbọrị kalaye sọnị nwọ igweinma ma.”

Ọḅụḍukoapụma tẹrẹ anịkanịka inein-a tombi pembe ye nwọ dọkụsam, ini Jizọs Ḅe mengi ọgọnọ nwẹngị arụ mị kpekimarị ọkụ nwọ ọrị sịkị inia ḅalafamẹ. Jizọs Ḅe nwọse ini ḅẹmẹ, “Ọ́ ḅalafama, Ị̀rị̀-ẹ!”