Popular Bible Verses from Luk 8

Share

Iḅi kiri ḅụ koro ḍipiyemgbọlụma, anị oku mị naa ọkị se anị ḍukoye mịẹapụma-ẹ, ini pịkị inema mun ini chịnmgbọlụ chụa sịkị lamẹ.

Ịgama ogboku koro ḍipiyemgbọlụma anị ọkwẹịn mị naa se mị ḍumo mị ḅe ḅụḅalaḅala na, ngọma na, sẹkiri ḅe tọrụḅẹlẹma na gboloma ini temi sịkị, inia chịnmgbọlụma ḅarị kpọ se ḅịakẹ.

Ḍụparị kiri ọgọnọ koro ḍipiyemgbọlụma anị ọkwẹịn mị naa, se ḅieḅẹlẹ seni oku mị ọkị apụma-ẹ. Ọkụma anị iḅiọkụ se gbisiri inia ḅie sọ mun kuno chụakẹ; kala sịkị kẹngẹ ini nwọse anị ḅerenimẹ, se ḅịkị sikimamẹ ḍaḍiki sịkị mị ḅụ.

Anịsịkị Ọ̀ nwọse ọḅụḍukoapụma ḅẹmẹ, “Nde ọ́mịna ḅereni mị?” Ọkụma anị ijira se inia ḅụ saramẹ, inia ḅala pịkị famẹ, se nwọse jịnḅọ jịnḅọ ḅẹmẹ, “Ḅe ḅọrọ tụḅọ? Ọ̀ ḅẹrẹtọn fọrụ na amburama na pịrịmẹ, àrị pịkị Ọ̀ ḅịpị pokimẹ!”

Ateli aka ḅụ koro ayema, anị ọkwẹịn mị naa, se Oru ḅe ḅo inia kuḅiemgbọlụ ḅie ọkwẹịn ma sin ọkị apụma-ẹ mịẹse ini ḅerenika ḅụ ḍụaḅọrọma nyana ẹka ḅara.

“Ḅọị ḅụ simearịye layelaye ini anị pakụmaḅo ḅelemaḅịa, ini gbẹịn koroma yelayelaye ini pịkị anị ḍọkịpakụmaḅo se enekuḅu ḅụ koromaḅịa.

Eremeniḅọ ma ọrịmẹ, na á pakasam, anị á nwẹngịḅoye-ẹ, ḅụgeregere na Jizọs Ḅe ḅụọ chuku ḅịkịkoromẹ, ḅẹḅọ ḅẹḅọ tọrụkuḅu ḅụ, á gose ḅara se Ọ̀ lamaye mị nwọ ḍuko pakụmamẹ, á ḅụ pịkị anị kirikiri iḅiọkụ mị na. Jizọs Ḅe nwọse á ḅẹmẹ, “Ị̀ ndụḅa ị́ya ḅereni ị́ mịẹse ị́ ḅụ iḅisam. Deinma ḅụ so.”

Ọḅụḍukoapụma Jizọs Ḅe damaḅo se Ò wo sịsẹmamẹ, se nwọ ḅẹmẹ, “Yeḍieḅọ, Yeḍieḅọ! Wa fa aḅẹ!” Jizọs Ḅe sịsẹ ḅẹrẹtọn fọrụ mị na amburama na irisi na pịrịmẹ se àrị yawụma simemẹ seni nyọ mị opuma deinmẹ.