Popular Bible Verses from ꞌLu‑ca 12

Share

ꞌNéo ꞌnặn#lo, ꞌháu pên ꞌlụk phủ ꞌcốn ꞌnị ꞌcọ ꞌchí táo ꞌlống ꞌmá cuông ꞌchớ ꞌpứng ꞌnọng báu#ꞌngương báu#ꞌngớ, hảư ꞌpứng ꞌnọng ꞌkhặn ꞌkháng thả#dú.”

Hảư au chaư ꞌkhớng ha phén ꞌhôm ꞌngáu Chảu Pua ꞌPhạ#cón, ꞌlẹo ꞌchọ ꞌmí ăn đaư ꞌTan chảu hák ꞌchí au hảư#máư.

ꞌLẹo ꞌTan chảu bók phen ꞌcốn ꞌnặn#ꞌva, “ꞌChự hiêm chảu ꞌvạy hảư#đi, ꞌnhá ngắm húp mảm ăn#đaư. ꞌViạk ꞌhăng ꞌmí sính khong ꞌngớn ꞌcắm báu#ꞌchoi hảư ꞌlới ꞌcốn đảy đi săng cá#đaư.”

Khong quí ꞌpéng ꞌpứng ꞌnọng dú bón#đaư, chaư ꞌpứng ꞌnọng ꞌcọ ꞌchí dú bón hẳn#lo.”

Ta#ꞌva khốn#lo nẳng ꞌchua ꞌcốn ꞌcọ báu#ꞌmí phaư ꞌdệt hảư ꞌchua ꞌcốn chảu ꞌdứn tứm đảy ꞌchộp#ꞌnưng cá#đaư.

ꞌLẹo Chảu ꞌGiê‑ꞌsu chắng bók mốt ꞌtoi ꞌtáng ꞌTan chảu#ꞌva: “ꞌSướng ꞌnặn ꞌháu bók hảư ꞌpứng ꞌnọng ꞌhụ#ꞌva, ꞌnhá ꞌpuốn lo săng nẳng ꞌchua ꞌlới#ꞌva ꞌviạk#kin, ꞌchương ꞌnung ꞌmá sáư ꞌlắm#ꞌmo.

ꞌPứng ꞌnọng lỏ#pên phủ#ꞌcốn, ꞌcọ ꞌvén quí ꞌpéng ꞌsứa lai tô ꞌnộc chók ꞌnặn#ꞌquá, phôm nẳng hua ꞌpứng ꞌnọng ꞌmí kỉ#sểm Chảu Pua ꞌPhạ ꞌcọ ꞌhụ#mết. ꞌSướng ꞌnặn ꞌnhá ꞌpuốn dản săng#ꞌnớ.

Phung ꞌdo ꞌnọi#ꞌhới, ꞌpứng ꞌnọng ꞌnhá ngắm dản ꞌpuốn săng#ꞌnớ, Chảu Pua ꞌPhạ phủ pên ꞌPo sôm chaư hảư ꞌpứng ꞌnọng khảu téng đa phén ꞌhôm ꞌngáu ꞌTan chảu#ꞌlẹo.

Hảư ngắm bớng#ꞌva, ꞌpứng tô ca báu#ꞌhụ#ván, báu#ꞌhụ kếp#kiếu, ꞌlẹo báu#ꞌmí ꞌlạu sáư#khảu, kho sáư#ꞌchương, hák Chảu Pua ꞌPhạ ꞌcọ ꞌnhắng ꞌliệng tô#ꞌnộc. ꞌChí ꞌvạu săng ꞌpứng ꞌnọng#máư, ꞌcọ ꞌvén quí ꞌpéng ꞌsứa tô ꞌnộc#ꞌquá.

ꞌViạk khảu ꞌnặm ꞌcắm kin, ꞌpứng ꞌnọng ꞌnhá ꞌpuốn ꞌnhá lo#săng.

Bók co nhả lom ꞌtông ꞌnéo ók ꞌmự#ꞌnị, ꞌmự ꞌpụk ꞌchí ꞌchọ tắt phau ꞌpháy#sia, Chảu Pua ꞌPhạ ꞌnhắng hảư ꞌmắn đảy ꞌchăn ꞌcơ#ꞌnị. ꞌChí ꞌva săng ꞌpứng ꞌnọng#máư, ꞌTan chảu ꞌvén ꞌchí ꞌkhớng téng ꞌchương ꞌnung hảư ꞌsứa ꞌnặn#ꞌquá, ꞌpứng ꞌnọng ꞌsứ chắng ꞌchưa Chảu Pua ꞌPhạ ꞌnọi ꞌcợn#ꞌlế.

ꞌMí săng ꞌsuôn ꞌvạy ꞌcọ hák ꞌchí chẻng#ók, ꞌmí săng dăm ꞌvạy ꞌcọ hák ꞌchí#ꞌhụ.