Popular Bible Verses from Jɔɔŋ 10

Share

Gaara-na yie kɔ dɩ ʋ gaa nɛ, a kpʋ, a chei kɩaa, ama mɩ-na kɔ dɩ nɩaa wuo kɛŋ mɩɩsɩŋ, dɩ ba tʋɔŋ tʋtɔrɛ woruŋ bʋa na-kala lɛ.”

Yesu bɩra bʋl, “Mɩ nɛ ŋaa pie-daarɩ-zɔmʋŋ. Pie-daarɩ-zɔmʋŋ yie joŋ ʋ mɩɩsɩŋ yɔɔ sʋʋŋ nɛ ʋ piesee wɩaa.

Mɩ piesee nɩɩ mɩ yikoro nɛ, mɩ ma jɩmba, ba tuto mɩ harɩŋ.

Ŋɩɩ nɛ mɩ pɩba mɩɩsɩ-la sɩ bɩ dɛrɛ, ba bɩ jaŋ kɔ dɩ ba sʋba. Nʋʋ ma saa bɩ jaŋ wuo kɛmba kaa laa mɩ nɩsɩŋ lɛ da.

Mɩ nɛ ŋaa boi-la, nɩɩ-la kala sɩ to mɩ lɛ jʋʋ, mɩ jaŋ laaʋ ta. Mɩ jaŋ leŋ ba lɩɩ dii yaŋ aŋ mɩɩra kʋʋ jʋʋ.

Mɩ nɛ ŋaa pie-daarɩ-zɔmʋŋ. Mɩ jɩŋ mɩ piesee, mɩ piesee ma jɩmmɛ.

Mɩ Nyɩmma-la sɩ jomba pɩmɛ, ʋ nɛ kɩɩ kʋŋkala. Nʋʋkala bɩ jaŋ wuo kɛmba kaa laa mɩ Nyɩmma-la nɩsɩŋ lɛ. Mɩ dɩ mɩ Nyɩmma kala ŋaa kʋbala nɛ.”

Ŋɩɩ tɩtɩa nɛ mɩ Nyɩmma jɩmmɛ, mɩ ma jɩmʋ. Mɩ joŋ mɩ mɩɩsɩŋ yɔɔ sʋʋŋ mɩ piesee wɩaa.

Nʋʋkala dee bɩ leŋe mɩ joŋ mɩ mɩɩsɩŋ yɔɔ sʋʋŋ, mɩ tɩtɩa tʋɔtɔrʋŋ lɛ nɛ. Mɩ kɛŋ doluŋ dɩ mɩ joŋ mɩ mɩɩsɩŋ a yɔɔ sʋʋŋ, a bɩra kɛŋ doluŋ dɩ mɩ laa mɩ mɩɩsɩŋ ma. Wɩɩ-la mɩ Nyɩmma sɩ sɩ mɩ ŋaa nɛ ŋɩɩ.”

Ŋɩɩ nɛ Yesu bɩra bʋla pɩba, “Wʋtɩtɩɩ nɛ mɩ bʋlaa pɩma, mɩ nɛ ŋaa pie-dɩa-la boiŋ niiŋ.

Ama nɩɩ-la sɩ bɩ piesee tɩɩ aŋ dɩdaa, ka ba titimu, ʋ nɛ yie na guŋguro dɩ ʋʋ kɔ, ʋ leŋ piese-la aŋ fá. Guŋguro-la kʋ kɛsɛ ba dɔnsʋŋ aŋ ŋaa dɔnsʋŋ pɩsɛ.

Ŋɩɩ nɛ Yesu magɛ namaga a bʋl, “Wʋtɩtɩɩ nɛ mɩ bʋlaa pɩma, nɩɩ-la kala sɩ bɩ boiŋ niiŋ to jʋʋ pie-dɩa, aŋ wule to kɛrɛ jʋʋ, ʋ tɩɩna ŋaa gaarʋ nɛ.