Popular Bible Verses from Luuk 5

Share

Ʋ sɩ bʋl wɩaa pɩ nɩalɩŋ dɛrɛ, ʋ bʋla pɩ Saamɔŋ, “Kuosi lɩɩŋ daboro-la dɩ ʋ mʋ lee-la lɩɩŋ sɩ luŋie mʋa, dɩ ŋ dɩ ŋ nandɔnsʋŋ yuo ma jomba a kɛsɛ chenfilee.”

Ŋɩɩ nɛ Saamɔŋ bʋla pʋ, “Mɩ kʋhɩaŋ, la yuo jomba nɛ woruŋ tɩtaŋɩŋ kala aŋ bɩ kʋŋkala kɛnɛ. Ama ŋ-na sɩ bʋl ŋ-la, mɩ jaŋ yuo.” Ŋɩɩ nɛ ba ŋaa ŋɩɩ a kɛsɛ chenfilee yʋgɛ kɩŋkɛŋ. Ba sɩ kɛsɛ yʋgɛ ŋɩɩ, ba jomba chɩchɛ dɩ ba kɩɛsɛ.

Ka Yesu yie sii mʋ lee nɩaa sɩ tuo a chʋɔlɛ Wɩa.

Mɩ kɔ dɩ mɩ yɩrɛ wʋbɔŋ ŋaaraa nɛ dɩ ba leŋ ba wʋbɔŋŋɔɔ. Nɩalɩŋ sɩ kɛŋ tʋɔpʋla mɩ sɩpaaŋ dee mɩ kɔ mɩ yɩrɛ.”

Saamɔŋ yɩrɩŋ dɔŋɔ ma nɛ fa ŋaa Pɩɩta. Saamɔŋ Pɩɩta sɩ na wɩɩ-la sɩ ŋaa, ʋ tuu kpirimi Yesu sɩpaaŋ aŋ bʋl, “Mɩ Tɩɩna, sii lɩɩ mɩ teeŋ. Mɩ ŋaa wʋbɔŋ-ŋaarʋ nɛ.”

Yesu nɩɩ ba sɩɩ bʋl ŋɩɩ, ʋ bʋla pɩba, “Nɩalɩŋ sɩ kɛŋ yarɩfɩɛlaa bɩ daaluŋ ŋaara ka chɛ, see nɩalɩŋ sɩɩ wɩɩlʋ.

Ŋɩɩ harɩŋ ba kɛŋ lɩɩŋ dabori-biisi-la kaa kʋ lɩɩ lɩɩŋ niiŋ, a leŋ kʋŋkala ta nɩmɛ aŋ to ʋ harɩŋ.

Ŋɩɩ nɛ Yesu mʋ taŋ kʋbala dɩ baal kʋbala nɛ ŋɩɩ. Ʋ ŋaa gbege nɛ. Ʋ na Yesu a tuu kpirimi ʋ sɩpaaŋ aŋ sʋlʋ a bʋl, “Mɩ Kʋhɩaŋ, dɩ ŋ nɛ cho, ŋaa dɩ mɩ duori.” Ŋɩɩ nɛ Yesu lɩɩsɛ ʋ nɩsɩŋ a digu aŋ bʋl, “Mɩ cho nɛ, duori.” Yawɩɩl-la guu leŋ baal-la.

Aŋ ka wɩɩ-la ha faasa teeli leriŋ kala. Nɩaa yʋga a kɔ ʋ teeŋ dɩ ba nɩɩ ʋ wɩaa, aŋ ka dɩ ʋ pɛ vaarɛ ba nyanyalaa maa.