Popular Bible Verses from LUKASE 3

Share

Mohla batho ka moka ba ba bego ba le moo ba kolobetšwa, Jesu le yena o ile a kolobetšwa. Ya re a sa rapela, legodimo la bulega, gomme Moya wo Mokgethwa wa theogela godimo ga gagwe o le ka sebopego sa leeba. Gwa kwagala lentšu le etšwa legodimong le re: “O Morwa wa ka yo ke mo ratago. O nkgahla kudu!”

Ka gona Johanese a ba botša bohle a re: “Nna ke le kolobetša ka meetse, eupša go tla yo mongwe yo a mphetago ka maatla, yo ke sego ka swanela le go mmofolla marala a dieta. Yena o tla le kolobetša ka Moya wo Mokgethwa le ka mollo.

Go kaone le dire tše di tlago bontšha gore le sokologile. Le se ke la forana la re le ka phepha kotlo ka lebaka la ge Abrahama e le rakgolokhukhu wa lena. Gobane ke le botša gore Modimo a ka fetoša maswika a gore e be ditlogolo tša Abrahama!

Selepe se šetše se loketše go rema dihlare medung; sehlare se sengwe le se sengwe se se sa enywego dikenywa tše dibotse se tla rengwa sa lahlelwa mollong.”

Gwa phethega se se ngwadilwego ka pukung ya Jesaya ge a re: “Segoeledi lešokeng se re: ‘Lokišetšang Morena tsela; mo otlolleleng mebila. Meedi yohle a e tšheletšwe, dithaba tšohle le meboto yohle di lekanetšwe. Ditsela tša manyokenyoke di otlollwe, le mebila ya dikotikoti e lekanetšwe. Ke mo batho bohle ba tlago bona ka mo Modimo a tlago ba phološa ka gona.’ ”