Popular Bible Verses from JENESIS 24

Share

Go e noa, Yehovah, Sup̃e ki nawota aginau Abraham, p̃a mari a ega vakilina ki nau masoso, go p̃a mari nadodomiana paki nawota aginau Abraham.

Go ega vakilina, naga nagoroi atara waina aga wo noa ki nia, P̃a toro napura noai anigo, a pavara ni ko asa, naga aga munu; go nae ega wo noa, P̃a munu, go aga wo dua kamel anigo maga nara ma euga munu: nae ega vei tea waina ku po magi tea suasua anigo Isaak noap̃otae a; go aga wo atae ki tea wanogoe naga ku po mari nadodomiana paki nawota aginau.

Go Isaak e piragi a paki ekopu ni tap̃aup̃au ki p̃ilana Sarah, po piragi Rebekah, go e po pei anagoroi; go e dodomi a: go Isaak e makoto ki nasusueana edaku ki p̃ilana.

Go eu pasa m̃ata ki Rebekah, po noa ki nia, eu naga, Goregami, p̃a vei p̃ila ni tivilia manu maga, go naworaworam̃a euga veani namata‐pua ki tea maga waina eu pilosi ra.

Go aga wo mari ko p̃a vivisa pae Yehovah, Sup̃e ni nakoroatelagi, go Sup̃e ni maramana, naga p̃a wo da magi natugu piragi nagoroi sikai ni naworawora ni Kanaan natuda nagoroi maga, waina kinau a doko m̃aleoputo kakada. Ma p̃a vano paki navanua aginau, po pa punusi namatarau aginau, po magi natugu Isaak piragi nagoroi sikai.